მღვდელს, რომელმაც ალექსეი ნავალნის პანაშვიდი გადაიხადა, მღვდელმსახურების უფლება სამი წლით შეუჩერდა. ინფორმაციას რუსეთის მართლმადიდებელი ეკლესიის მოსკოვის ეპარქია ავრცელებს.

შეერთებულმა შტატებმა ირანის წინააღმდეგ სანქციები გააფართოვა. ვაშინგტონში ფინანსთა დეპარტამენტის განცხადებაში ნათქვამია, რომ ოთხი პირი და ორი კომპანია დაემატა სანქციების სიას ირანის სამხედროების სახელით „მავნე კიბერ აქტივობებში ჩართვისთვის“. 

უკრაინის უსაფრთხოების სამსახურის (СБУ) დრონებმა, რუსეთში, სმოლენსკის ოლქში, ორ ნავთობბაზაზე იერიში მიიტანა. ამის შესახებ, გამოცემა “უკრაინსკაია პრავდას” СБУ-ს თანამშრომელი უყვება.

ფხენიანის სახელმწიფო ტელევიზიის ცნობით, 2024 წლის აპრილის დასაწყისში ჩრდილოეთ კორეის დელეგაცია ირანს ეწვია. როგორც ცნობილია, დელეგაციის წევრი იყო მინისტრთა კაბინეტის ერთ-ერთი წევრი - საგარეო ეკონომიკური ურთიერთობების მინისტრი იუნ ჩენ ჰო. 

ფინეთის პრეზიდენტმა ალექსანდრე სტუბმა თქვა, რომ მისმა ქვეყანამ, შვედეთთან ერთად, რომელიც ახლახან შეუერთდა NATO-ს, მნიშვნელოვანი როლი უნდა ითამაშოს მშვიდობის შენარჩუნებაში. იმავდროულად მოუწოდა "ნაკლები ლაპარაკისა და ომისთვის მეტად მზადებისკენ", რათა ის თავიდან იქცეს აცილებული. ამის შესახებ მან სტოკჰოლმში ვიზიტისას განაცხადა, იუწყება Euractiv.

 საბერძნეთის დედაქალაქი ათენი გუშინ ნარინჯისფერი ნისლით იყო დაფარული საჰარის უდაბნოდან წამოსული მტვრის ტალღის გამო,- წერს BBC.

 24 აპრილის ღამის საათებში ოკუპანტებმა ხარკოვი დაბომბეს. არსებული ინფორმაციით, საჰაერო იერიშის შედეგად დაზიანდა გაზსადენი და რვა შენობა, მათგან სამი საცხოვრებელი კორპუსი და ორი ოფისი. ასევე, ქალაქის მერის, იჰორ ტერეხოვის თქმით, დაშავებულია ორი ადამიანი.

 შეერთებული შტატების სახელმწიფო დეპარტამენტში "უცხოური გამჭვირვალობის" შესახებ კანონპროექტს კიდევ ერთხელ ეხმიანებიან.

მას შემდეგ, რაც აშშ-ის სენატმა დაამტკიცა უკრაინის მრავალმილიარდიანი სამხედრო დახმარების პაკეტი, უკრაინის პრეზიდენტმა ვოლოდიმირ ზელენსკიმ მადლობა გადაუხადა სენატორებს, უმრავლესობის ლიდერს ჩაკ შუმერს და რესპუბლიკელ ლიდერს მიჩ მაკკონელს, ყველა ამერიკელა და აშშ-ის პრეზიდენტს ჯო ბაიდენს.

ამის შესახებ  "რადიო თავისუფლების" ევროპული ბიუროს უფროსი რიკარდ იოზვიაკი X-ზე.

 რუსეთის თავდაცვის მინისტრის მოადგილე ტიმურ ივანოვი ქრთამის აღების ბრალდებით დააკავეს. გამოცემა "მედუზას" ცნობით, მის წინააღმდეგ გამოძიება განსაკუთრებით დიდი ოდენობით ქრთამის აღების მუხლით მიმდინარეობს, საუბარია მინიმუმ ერთ მილიონ რუბლზე.

ამერიკელმა სენატორებმა მხარი დაუჭირეს კანონპროექტებს უკრაინის, ისრაელისა და მოკავშირეებისთვის ინდოეთ-წყნარი ოკეანის რეგიონში დამატებითი ფინანსური დახმარების გაწევის შესახებ, - იტყობინება ამერიკული მედია.

ეს კანონი თუ იქნება მიღებული, ჩვენი პასუხი უნდა იყოს მკაფიო, უნდა გავყინოთ გაწევრიანების შესახებ მოლაპარაკების გახსნა, ფინანსური დახმარება საქართველოსთვის უნდა იყოს პირობითი, – ამის შესახებ ევროპარლამენტარმა, მირიამ ლექსმანმა ევროპარლამენტის სხდომაზე „უცხოური გავლენის გამჭვირვალობის შესახებ“ კანონპროექტთან დაკავშირებით გამოსვლისას განაცხადა.

მინდა, ყველა ჩვენგანის სახელით მივესალმო ნიკა გვარამიას, ოპოზიციის ერთ-ერთ ლიდერს, მადლობა თქვენი ერთგულებისთვის და საქართველოს უკეთესი მომავლისთვის ბრძოლისთვის, – ასე დაიწყო ევროკომისარმა, პეტრას აუსტრევიჩუსმა ევროპარლამენტში დებატებისას გამოსვლა, რომელსაც პარტია „ახალის“ ლიდერი ნიკა გვარამიაც ესწრებოდა.

სომხეთმა და აზერბაიჯანმა საზღვრის დემარკაციის პროცედურა დაიწყეს. ამის შესახებ ინფორმაციას აზერბაიჯანის ვიცე-პრემიერი შახინ მუსტაფაევი და სომხეთის პრემიერ-მინისტრი, ნიკოლ ფაშინიანი ავრცელებენ.

უკრაინაში დასავლურ იარაღზე თავდასხმებს გავაძლიერებთ, - ამის შესახებ რუსეთის თავდაცვის მინისტრმა, სერგეი შოიგუმ განაცხადა.

დომინიკის რესპუბლიკის უზენაესმა სასამართლომ ერთნაირსქესიანი ურთიერთობების აკრძალვა გააუქმა და არაკონსტიტუციურად გამოაცხადა. 

მემარჯვენე პოპულისტური პარტიის, "ალტერნატივა გერმანიისთვის“ (AfD) ერთ-ერთი წევრის თანამშრომელი დრეზდენში ჩინეთის სასარგებლოდ ჯაშუშობის ბრალდებით დააკავეს, - ინფორმაციას გერმანული მედია ავრცელებს.

საქართველოს სჭირდება დებიძინიზაცია და არა რუსული აგენტების კანონი, - ამის შესახებ ევროპარლამენტარი რასა იუკნევიჩიენე X-ზე წერს,

დიდი ბრიტანეთის პრემიერ მინისტრი, რიში სუნაკი, პოლონეთში ვიზიტისას, უკრაინისთვის ყველაზე დიდ სამხედრო დახმარების პაკეტს დააანონსებს განცხადებას ვკითხულობთ დიდი ბრიტანეთის მთავრობის გვერდზე.

აშშ-ის სახელმწიფო დეპარტამენტმა საქართველოში 2023 წლის განმავლობაში ადამიანის უფლებების დაცვის მდგომარეობის შესახებ ანგარიში გამოაქვეყნა.

აშშ ღრმად შეშფოთებული რჩება, რომ „უცხოური გავლენის გამჭვირვალობის“ შესახებ კანონი დააზიანებს სამოქალაქო საზოგადოების ორგანიზაციებს, რომლებიც მუშაობენ მოქალაქეების ცხოვრების გაუმჯობესებაზე და საქართველოს გადაახვევინებს ევროპული გზიდან, – ამის შესახებ სახელმწიფო დეპარტამენტის დემოკრატიისა და ადამიანის უფლებათა ბიუროს წარმომადგენელმა რობერტ გილქრისტმა განაცხადა.

საგარეო პოლიტიკის და უსაფრთხოების საკითხებში ევროკავშირის უმაღლესი წარმომადგენელი ჟოზეფ ბორელი კიდევ ერთხელ აცხადებს, რომ საქართველოს პარლამენტში წარდგენილი კანონპროექტი „უცხოური გავლენის გამჭვირვალობის შესახებ“ „არ შეესაბამება ევროკავშირის ღირებულებებს“.

აშშ-ის პრეზიდენტის ჯო ბაიდენის ადმინისტრაცია, კონგრესში უკრაინის დამატებითი დაფინანსების მოსალოდნელი დამტკიცების ფონზე, კიევისთვის სამხედრო დახმარების "ჩვეულზე დიდ" პაკეტს ამზადებს. ამის შესახებ Politico რამდენიმე ამერიკელ ჩინოვნიკზე დაყრდნობით წერს.

სამშაბათს ღამით რუსეთმა დრონებით კიევის ოლქსა და ოდესას შეუტია.