„საოცარი სამშაბათია! პოლონეთმა რეკორდი მოხსნა. მსგავსი ამინდი თითქმის 60 წელია არ ყოფილა", - წერს პოლონური პრესა.

ყარაბაღში დე ფაქტო ხელმძღვანელობის ყოფილი ლიდერები დააკავეს. ინფორმაციას აზერბაიჯანული მედია ავრცელებს.

ეგვიპტის სასამართლოს 30 სექტემბერს გამოტანილ დადგენილებით თანახმად, 29 წლის ჰანა ჰასანი, რომელმაც თავის 5 წლის შვილი მოკლა, შემდეგ მაჩეტეთი თავი მოაჭრა, სხეულის სხვა ნაწილებთან ერთად მოხარშა და შეჭამა, შეურაცხადად გამოცხადდა და მას დარჩენილი სიცოცხლის მკაცრი რეჟიმის ფსიქიატრიულ დაწესებულებაში გატარება მოუწევს, - იუწყება ბრიტანული dailymail-ი.

რუსეთის თავდაცვის მინისტრ სერგეი შოიგუს მტკიცებით, რუსეთი "მობილიზაციის მორიგ ტალღას არ გეგმავს".

უკრაინის პრეზიდენტის აპარატის ყოფილი მრჩეველი ალექსეი არესტოვიჩი, რომელიც რუსეთის ფედერაციაში ტერორისტებისა და ექსტრემისტების სიაში შეყვანა და სისხლის სამართლის მუხლით ძებნილად გამოაცხადა. ამის შესახებ ინფორმაციას "ტასსი" რუსეთის შინაგან საქმეთა სამინისტროზე დაყრდნობით ავრცელებს.

ნორვეგიამ რუსეთის წინააღმდეგ ახალი სანქციების დაწესების შესახებ განაცხადა. ქვეყანა უერთდება ეკონომიკური შეზღუდვების მეთერთმეტე პაკეტს, რომელიც მანამდე ევროკავშირმა წარმოადგინა. ამის შესახებ ნორვეგიის საგარეო საქმეთა სამინისტროს ოფიციალურ განცხადებაშია ნათქვამი.

ჯასტინ ტრიუდოს მიერ კანადაში სიქი სეპარატისტი ლიდერის მკვლელობაში ინდოეთის სავარაუდო მონაწილეობაზე საუბრის გამო ორ სახელმწიფოს შორის ურთიერთობების დაძაბვის ფონზე ნიუ-დელიმ ოტავას ქვეყნიდან ათობით დიპლომატის გაყვანა მოსთხოვა. ამის შესახებ ინფორმაციას Financial Times ავრცელებს.

შეერთებული შტატები ოქტომბრის დასაწყისიდან ჩინეთში ჩიპებისა და მათი წარმოებისთვის განკუთვნილი საშუალებების ექსპორტის აკრძალვის გამკაცრებას ემზადება. საუბარია ნახევარგამტარების წარმოებისთვის უფრო მოწინავე საშუალებებზე წვდომის შეზღუდვაზე, ასევე ხელოვნური ინტელექტის ჩიპების ექსპორტის შეზღუდვებში არსებული გარკვეული ხარვეზების დახურვაზე, – იუწყება Reuters თეთრ სახლზე დაყრდნობით.

დღეს, 3 ოქტომბერს, ადგილობრივი დროით 13:11 საათზე სომხეთის ეროვნულმა ასამბლეამ  რომის სტატუტის რატიფიცირება მოახდინა.

გერმანიამ უკრაინას სამხედრო დახმარების ახალი პაკეტი გადასცა, - იუწყება ქვეყნის მთავრობა.

სომხეთის პარლამენტმა სისხლის სამართლის საერთაშორისო სასამართლოს რომის სტატუტის რატიფიცირება მოახდინა. სომხური მედიის თანახმად, კანონპროექტის რატიფიცირებას მხარი 60-მა დეპუტატმა დაუჭირა 22-მა კი წინააღმდეგ მისცა ხმა.

ნიუ-იორკში, მანჰეტენის სასამართლოში, საქმის მოსმენა დაიწყო, რამაც დონალდ ტრამპის ბიზნეს-იმპერია, შესაძლოა ძლიერი დარტყმის ქვეშ დააყენოს. ამის შესახებ BBC წერს.

უკრაინის პრეზიდენტ ვოლოდიმირ ზელენსკის განცხადებით, ქვეყნის მთავარი მიზანია, წელს მიიღოს გადაწყვეტილება ევროკავშირში გაწევრიანების შესახებ მოლაპარაკებების დასაწყებად.

უკრაინის პრეზიდენტმა ვოლოდიმირ ზელენსკიმ კიევში გამართულ ევროკავშირის საგარეო საქმეთა მინისტრების შეხვედრაზე რუსეთის წინააღმდეგ ევროკავშირის სანქციების დამატებითი პაკეტის საჭიროებაზე ისაუბრა.

თურქეთის ეროვნულმა სადაზვერვო სამმართველომ და პოლიციამ "ქურთისტანის მუშათა პარტიის" წინააღმდეგ ერთობლივი ოპერაცია ჩაატარა, - იუწყება თურქული მედია.

ამერიკის შეერთებული შტატების სახელმწიფო დეპარტამენტმა უკრაინის დახმარების კონფიდენციალური სტრატეგია მოამზადა, რომელშიც კორუფცია რეალურ საფრთხედ არის დასახელებული. ინფორმაციას ამის შესახებ საკუთარ წყაროებზე დაყრდნობით Politico ავრცელებს. 

უკრაინის საგარეო საქმეთა მინისტრმა დმიტრო კულებამ განაცხადა, რომ უკრაინასა და ევროკავშირს შორის არასრული გაწევრიანების შესახებ დისკუსიები არ მიმდინარეობს. მისივე თქმით, ევროკავშირში მიღწეულია კონსენსუსი უკრაინის გაწევრიანებაზე და ეს მხოლოდ დროის საკითხია.

ჩეჩნეთის ხელმძღვანელმა რამზან კადიროვმა მხარი დაუჭირა წინადადებას, რომ მისი ქალიშვილი აიშატ კადიროვა რესპუბლიკის ვიცე-პრემიერად დანიშნოს. ამის შესახებ კადიროვმა ტელეგრამის არხზე განაცხადა.

ამერიკის შეერთებული შტატების პრეზიდენტის თქმით, დროებითი ბიუჯეტი, რომელიც არ მოიცავს უკრაინის დახმარებას აშშ-ს გრძელვადიან გეგმებზე არ იმოქმედებს. 

ევროკავშირი მალე გაფართოვდება პორტუგალიური ლისაბონიდან უკრაინულ ლუგანსკამდე, - ამის შესახებ, RBC-Ukraine-ს ცნობით, გერმანიის საგარეო საქმეთა მინისტრმა ანალენა ბარბოკმა განაცხადა.

ოსლოს საზოგადოებრივი ტრანსპორტის მმართველი კომპანია Ruter-ი მილიონობით შემოსავალს იღებს უბილეთო მგზავრობის გამო ჯარიმებიდან, თუმცა კონტროლის განხორციელებაზე ბევრად მეტს ხარჯავს. საზოგადოებრივი ტრანსპორტის (ავტობუსი, ტრამვაი, მეტრო, საბორნე მიმოსვლა, საგარეუბნო რკინიგზა) კომპანიის მიერ გამოქვეყნებული მონაცემები მოწმობს, რომ კონტროლი შოკის მომგვრელად დიდი თანხა ჯდება, - წერს ნორვეგიული პრესა.

ევროკავშირის წევრი სახელმწიფოების საგარეო საქმეთა მინისტრები კიევში იმყოფებიან. 27 სახელმწიფოს საგარეო უწყებების წარმომადგენლები ევროკავშირის ფარგლებს გარეთ, ომში მყოფ არაწევრ ქვეყანაში პირველად შეიკრიბნენ.

აზერბაიჯანის პრეზიდენტის, ილჰამ ალიევის თქმით, აზერბაიჯანის მიერ ტერიტორიული მთლიანობის აღდგენით, სამხრეთ კავკასიაში მშვიდობის ეპოქა დგება. ამის შესახებ ალიევმა 74-ე საერთაშორისო ასტრონომიული კონგრესის გახსნაზე ისაუბრა.

ნობელის კომიტეტის თანახმად, 2023 წლის ნობელის პრემია ფიზიოლოგიასა და მედიცინაში კატალინ კარიკოსა და დრიუ ვაისმანს მიენიჭათ მათი აღმოჩენებისთვის ნუკლეოზიდური ბაზების მოდიფიკაციის შესახებ, რამაც შესაძლებელი გახადა COVID 19-ის საწინააღმდეგო mRNA ვაქცინების შექმნა.

ამერიკის ომის შემსწავლელი ინსტიტუტის  (ISW) თანახმად, უკრაინაში, რობოტინოსთან ვითარება ტაქტიკურად რთული და დინამიკურია, რადგან მნიშვნელოვანი საველე სიმაგრეები გამუდმებით ხელიდან ხელში გადადის.