გიული ალასანია: ჩემს შვილს მოკრძალებულ სახლს ვუშენებ კიევში (ვიდეო)

გიული ალასანია: ჩემს შვილს მოკრძალებულ სახლს ვუშენებ კიევში (ვიდეო)

პარტია "ახალ ძალთა მოძრაობის" ლიდერის და ოდესის ოლქის ყოფილი გუბერნატორის მიხეილ სააკაშვილის დედა გიული ალასანია გავრცელებულ ვიდეოში სახლის მშენებლობის შესახებ საუბრობს, რომელსაც იგი თავისი შვილისთვის, მიხეილ სააკაშვილისთვის აშენებს. მისი თქმით, სახლი იმ თანხით შენდება, რაც თბილისში, მშობლების სახლის გაყიდვის შედეგად მიიღეს.

"მე მიხეილ სააკაშვილის დედა ვარ გიული ალასანია. ვარ ისტორიკოსი, პროფესორი. ჩემს მეგობართან და კოლეგასთან ერთად უნივერსიტეტი დავაარსე. ეს არ არის მხოლოდ უნივერსიტეტი. ეს მთლიან საგანმანათლებლო ქსელს მოიცავს. საშუალო სკოლა, სკოლამდელი განათლება.

როდესაც ჩემმა შვილმა აქ, კიევში დასახლება გადაწყვიტა, პირველ რიგში ვიფიქრე, რომ მას საცხოვრებელი ადგილი დასჭირდებოდა. აქ ხშირად ჩამოვდივარ ხოლმე და არ მინდა, რომ ყოველ ჩამოსვლაზე სასტუმროებზე ვიფიქრო. ოჯახიც ხშირად იმყოფება აქ და იმედი მაქვს, ჩემი შვილიც მალე გადმოვა. ამიტომ, გადავწყვიტე მისთვის პატარა სახლი ავაშენო. ეს ძალიან მოკრძალებული სახლია, რაც კი შეიძლება, რომ იყოს. 62 კვ მ. თბილისში მშობლების სახლი გავყიდეთ, რომელიც გაცილებით დიდი იყო და ამ ფულის გარკვეული ნაწილი სწორედ ამ სახლის მშენებლობას მოხმარდება. მშენებლობა ჰომ გესმით რაც არის, ეს ძალიან გრძელი პროცესია. იწელება პროცესი, კომუნიკაციებთან დაკავშირებით პრობლემები შეიქმნა, მაგრამ იმედი მაქვს, რომ ამ საქმეს ბოლომდე მივიყვანთ", - აცხადებს გიული ალასანია.

ჯულიან ასანჟის ექსტრადიცია, შესაძლოა მომავალ კვირას განხორციელდეს

ჯულიან ასანჟის ექსტრადიცია, შესაძლოა მომავალ კვირას განხორციელდეს

31 წუთის წინ

როგორც გამოცემა აღნიშნავს, ამავე პერიოდში ეკვადორის პრეზიდენტის ლენინ მორენოს ვიზიტი იგეგმება, რომლის საიდუმლო ვიზიტის მიზანი ბრიტანეთის ხელისუფლების წარმომადგენლებთან შეხვედრა და ასანჟის სტატუსის განხილვაა. მანამდე, ლენინ მორენო...

USD 2.4417
EUR 2.8436
GBP 3.1813
TRY 0.5080