მუხრან მაჭავარიანის ქუჩაზე აგვისტოს ბოლომდე საავტომობილო გზა დაიკეტება

მუხრან მაჭავარიანის ქუჩაზე აგვისტოს ბოლომდე საავტომობილო გზა დაიკეტება

112-ის მიმდებარედ დაზიანებული გზის მონაკვეთის რეაბილიტაციის მიზნით, დღეიდან მუხრან მაჭავარიანის ქუჩაზე საავტომობილო გზა დაიკეტება. სარეაბილიტაციო სამუშაოების დასრულებამდე კი მოსახლეობა სპეციალურად გაკეთებული შემოვლითი გზით ისარგებლებს. ინფორმაციას თბილისის მერია ავრცელებს. 

მერიაში განმარტავენ, რომ 112-ის მართვის ცენტრის მიმდებარედ არსებული გზის ეს მონაკვეთი ივნისში მოსული, ჭარბი ნალექის დროს დაზიანდა და მისი ნგრევის თავიდან აცილების მიზნით, საჭირო გახდა გზის სასწრაფო რეაბილიტაცია.

საბურთალოს გამგებლის, ბექა მიქაუტაძის განცხადებით, მუხრან მაჭავარიანის ქუჩა ქალაქის ცენტრალურ უბანში მოძრაობის ერთ-ერთი განმტვირთავი მარშრუტია და მისი დაკეტვა თბილისის ისედაც გადატვირთულ ქუჩებში არსებულ მდგომარეობას კიდევ უფრო დაამძიმებდა, სწორედ ამიტომ, საბურთალოს რაიონის გამგეობის დავალებით, მომზადდა პროექტი, რომლის მიხედვით, საავტომობილო მოძრაობა რეაბილიტაციის პროექტის დასრულებამდე შემოვლით გზაზე გადაინაცვლებს, გზის მოწყობა კი როგორც მერიაში განმარტავენ, თითქმის დასრულებულია.

საბურთალოს რაიონის გამგებელის განცხადებით, კონტრაქტორი კომპანია სრული დატვირთვით იმუშავებს, რათა დაზიანებული გზის შეკეთება, რაც შეიძლება მალე დასრულდეს და მოქალაქეებმა უსაფრთხოდ გადაადგილება შეძლონ.
გზის აღნიშნულ მონაკვეთზე სამუშაოები აგვისტოს ბოლოს დასრულდება.

ცხვარიჭამიის ნაკრძალ-თავშესაფრიდან  მგელი გაიპარა

ცხვარიჭამიის ნაკრძალ-თავშესაფრიდან მგელი გაიპარა

9 წუთის წინ

"დღეს დილით ცხვარიჭამიის ნაკრძალი- თავშესაფრიდან ელექტრო ღობის ქვეშ მგელმა , რომელიც ორი დღის უკან ყაზბეგის რაიონის სოფელი კობიდან გარემოს დაცვის სამინისტრომ მოგვიყვანა , გვირაბი გაიყვანა და გაიპარა. მგელს სახელად სერი ქვია. ის ადამიანთან...

USD 2.6216
EUR 3.0854
GBP 3.4584
TRY 0.4172