ილია II მრევლს: გააძლიერეთ ლოცვა, რათა ბოროტმა ძალამ ვერ შეძლოს საქართველოს დაპყრობა

ილია II მრევლს: გააძლიერეთ ლოცვა, რათა ბოროტმა ძალამ ვერ შეძლოს საქართველოს დაპყრობა

ყოვლადწმინდა სამების საკათედრო ტაძარში, საკვირაო ლიტურგიის დასრულების შემდეგ, საქართველოს პატრიარქმა ილია მეორემ ქართველ ერს წმინდა იოანე თორნიკეს ხსენების დღე მიულოცა. ილია მეორემ მრევლს თხოვნით მიმართა, გააძლიეროს ლოცვა, რათა ბოროტმა ძალამ ვერ შეძლოს საქართველოს დაპყრობა.

"მართლაც საოცარია განგება ღვთისა, აღამაღლებს რჩეულს ერისა თვისსა. ერი უნდა იყოს ღვთისა, რომ მისგან აღამაღლოს უფალმა რჩეული ერისა თვისსა, ერი უნდა იყოს ღვთისა, ერი უნდა იყოს კეთილისმყოფელი, ერი უნდა იყოს მორწმუნე, რომ აღამაღლოს უფალმა ერის რჩეული. ასეთი რჩეული იყო იოანე მხედართმთავარი საქართველოს ჯარისა და ამ მხედართმთავარმა გადაწყვიტა, წასულიყო ათონის მთაზე და მიეღო ბერობა.
 
წმინდა იოანე განსაკუთრებულია, მან უხელმძღვანელა ჯარს, რომელიც ებრძოდა ბარდას ხნიაროსსა, რომელიც იყო ბიძა კონსტანტინეპოლის მეფისა, მას უნდოდა, ხელისუფლება ხელში ჩაეგდო კონსტანტინეპოლის სამეფო ტახტი. ბერებმა გამოიყვანეს თორნიკე ერისთავი, რომელიც ჩამოვიდა საქართველოში და წაიყვანა ჯარი და ფაქტობრივად გადაარჩინა ბიზანტიის იმპერია.
 
დღეს ჩვენ ვდღესასწაულობთ მის დღეს და მისი ლოცვით, მისი ვედრებით, ღმერთმა დალოცოს და გაათავისუფლოს ხილული და უხილავი მტრებისგან საქართველო და საქართველოს ეკლესია. კიდევ ერთხელ გილოცავთ დღევანდელ დღესასწაულს, ღმერთი იყოს ჩვენი მფარველი და მხსნელი.
 
კიდევ ერთხელ მოგმართავთ თხოვნით, რომ გააძლიეროთ ლოცვა, რათა ბოროტმა ძალამ ვერ შეძლოს საქართველოს დაპყრობა", - ბრძანა პატრიარქმა.
საჯარო მოხელეებს პირად სოციალურ ქსელებში წინასაარჩევნო კამპანიის ნიშნების შემცველი ინფორმაციის განთავსება აეკრძალათ

საჯარო მოხელეებს პირად სოციალურ ქსელებში წინასაარჩევნო კამპანიის ნიშნების შემცველი ინფორმაციის განთავსება აეკრძალათ

19 წუთის წინ

"აკისრია რა პასუხისმგებლობა, ხელი შეუწყოს 2018 წლის საპრეზიდენტო არჩევნების გამჭვირვალე და სამართლიან გარემოში ჩატარებას, კომისია მნიშვნელოვან სამართლებრივ მექანიზმად თვლის 2013 წლის საპრეზიდენტო, 2014 წლის ადგილობრივი თვითმმართველობის, 2016 წლის...

USD 2.6193
EUR 3.0693
GBP 3.4651
TRY 0.4172