რაგბი U20 მსოფლიო თასი: საფრანგეთმა არგენტინა ბოლო წამზე დაამარცხა

რაგბი U20 მსოფლიო თასი: საფრანგეთმა არგენტინა ბოლო წამზე დაამარცხა

რაგბის 20-წლამდელთა მსოფლიო თასის C ჯგუფის შეხვედრაში, არგენტინასა და საფრანგეთს შორის დაპირისპირება ძალზედ საინტერესო და დაძაბული გამოდგა და ფრანგების გამარჯვებით - 25:26 დასრულდა.

შეხვედრის დასრულებამდე 4 წუთით ადრე, ანგარიში 22:21 იყო არგენტინელების სასარგებლოდ, ალბორნოზოს საჯარიმოთი კი არგენტინელები 25:21 დაწინაურდნენ. თითქოს ყველაფერი ასე უნდა დასრულებულიყო და არგენტინა ჯგუფის ერთპიროვნული ლიდერი უნდა გამხდარიყო, თუმცა, ფრანგებმა, ბოლო წამებზე ლელოს დადება მოახერხეს და ერთი ქულით გადაუსწრეს მეტოქეს.

ლელოს გარდასახვა ვეღარ შეძლო საფრანგეთმა, მაგრამ დადებული ლელო სრულიად საკამრისი აღმოჩნდა ჯგუფში პირველი გამარჯვების მოსაპოვებლად.

ფრანგებმა, ქვეჯგუფის პირველი დაპირისპირება, სამხრეთ აფრიკასთან, ფრედ - 23:23 დაასრულეს.

ამავე ჯგუფის მეორე მატჩს, საქართველოს ნაკრები, რომელიც ცხრილში ბოლო ადგილზე იმყოფება, ავჭალის სტადიონზე, სამხრეთ აფრიკის წინააღმდეგ 18:00 საათზე დაიწყებს.

ქუთაისში, „აია არენაზე“ გამართული შეხვედრა, B ჯგუფში, ირლანდიასა და შოტლანდიას შორის, შოტლანდიელების გამარჯვებით - 28:32 დასრულდა. ამავე მოედანზე, სულ მალე, ერთმანეთს ახალი ზელანდიისა და იტალიის 20-წლამდელთა გუნდები დაუპირისპირდებიან.
დღევანდელი დღის სათამაშო განრიგი ასეთია:

A ჯგუფი

ავსტრალია - სამოა (ავჭალა) 15:30 საათი

ინგლისი - უელსი (ავჭალა) 20:30 საათი

C ჯგუფი

სამხრეთ აფრიკა - საქართველო (ავჭალა) 18:00 საათი

B ჯგუფი

ახალი ზელანდია - იტალია (აია არენა) 15:30 საათი
 

იმპერატორის თასი მფლობელი ბაშოს დასრულებამდე ერთი დღით ადრე გაირკვა (ვიდეო)

იმპერატორის თასი მფლობელი ბაშოს დასრულებამდე ერთი დღით ადრე გაირკვა (ვიდეო)

17 საათის წინ

დღეს, შეჯიბრების ბოლოსწინა დღეს, მიტაკეუმმა მეცამეტე გამარჯვება მოიპოვა და ბოლო მეთხუთმეტე შეხვედრის შედეგების მიუხედავად, მას იმპერატორის თასს ვეღარავინ შეეცილება. მის უახლოეს მდევრებს, მე-9 და მე-13 მაეგაშირებს, იუტაკაიამას და ასანოიამას...

USD 2.4417
EUR 2.8436
GBP 3.1813
TRY 0.5080