დირკ შუბელი: ბიზნესის კეთების სიმარტივის რეიტინგში საქართველო ათეულშია

დირკ შუბელი: ბიზნესის კეთების სიმარტივის რეიტინგში საქართველო ათეულშია

ქალაქ რიგაში, სამიტის წინ, „ფონდ ღია საზოგადოება საქართველოსა“ და „საერთაშორისო გამჭვირვალობას“ ორგანიზებით შეხვედრა მოეწყო, რომელშიც საქართველოს ხელისუფლების წარმომადგენლები, ქართული არასამთავრობო ორგანიზაციები, ევროკომისიისა და ევროპარლამენტის წარმომადგენლები მონაწილეობდნენ. 

შეხვედრის მიზანი გახლდათ იმ პროგრესული ნაბიჯების გაანალიზება, რომელსაც საქართველომ უკვე მიაღწია ევროკავშირთან ინტეგრაციის გზაზე. ასევე ევროკავშირთან ასოცირების დღის წესრიგიდან გამომდინარე, ქვეყნის წინაშე არსებული გამოწვევები და მათი ეფექტურად დარეგულირების გზები.

საქართველოს ხელისუფლების მხრიდან შეხვედრაში მონაწილეობდნენ პარლამენტის თავმჯდომარის პირველი მოადგილე, მანანა კობახიძე, პრემიერის მრჩეველი სოფო ჯაფარიძე, იუსტიციის მინისტრის მოადგილე ალექსანდრე ბარამიძე. რაც შეეხება არასამთავრობო სექტორს, საქართველოს მხრიდან წარმოდგენილები იყვნენ: საია, საფარი, საერთაშორისო გამჭვირვალობა და პენიტენციალურ სისტემაში არსებულ პრობლემებზე მომუშავე რამდენიმე არასამათავრობო ორგანიზაცია.

შეხვედრაზე სიტყვით გამოვიდა ევროპარლამენტის აღმოსავლეთ პარტნიორობის ორმხივი განყოფილების თავმჯდომარე დირკ შუბელი. 

კითხვაზე - ხომ არ არსებობს რეფორმების და ასოცირების შეთანხმების ვალდებულებების იმპლემენტაციის შესაძლო შეჩერების რისკები, დირკ შუბელმა განაცხადა: 

"ვფიქრობ რომ ამის რისკი ჩვენგან არ არსებობს, უფრო მეტიც, შემიძლია გითხრათ, რომ ეს რისკები რეალური არ არის. ასევე თქვენს ყურადღებას გავამახვილებ კიდევ ერთ მნიშვნელოვან საკითხზე - ბიზნესის კეთების სიმარტივის რეიტინგში საქართველო ათეულშია და ამ კუთხით, მე ვარ საქართველოს ლობისტი. გეუბნებით, რომ თქვენ შეგიძლიათ გააკეთოთ ინვესტიცია საქართველოში ძალიან სწრაფად. ჩვენ კი, ჩვენი მხრიდან საქართველოსთვის გავაკეთებთ ყველაფერს, რის გაკეთებაც შეგვეძლება", - განაცხადა დირკ შუბელმა.

ეკა ბესელია ნარკოპოლიტიკაზე: პროცესი არ ფერხდება, მთავარია გააზრებული გადაწყვეტილება მივიღოთ

ეკა ბესელია ნარკოპოლიტიკაზე: პროცესი არ ფერხდება, მთავარია გააზრებული გადაწყვეტილება მივიღოთ

2 საათის წინ

მისი თქმით, ნარკოპოლიტიკის ლიბერალიზაციის პროცესი აქტიურად მიმდინარეობს. “ჩვენი წარმომადგენლები საკონსტიტუციო სასამართლოში იცავენ პოზიციას, რომელიც ეხება ადმინისტრაციული წესით ჯარიმის გაუქმების მიზანშეწონილობის საკითხს. ეს სარჩელი...

USD 2.4578
EUR 2.8597
GBP 3.2659
TRY 0.5207