სააპელაციო სასამართლომ მსჯავრდებულ მაგდა პაპიძის საჩივარი დაუშვებლად სცნო

სააპელაციო სასამართლომ მსჯავრდებულ მაგდა პაპიძის საჩივარი დაუშვებლად სცნო

საქართველოს მთავარი პროკურატურის ინფორმაციით, სააპელაციო სასამართლომ მსჯავრდებულ მაგდა პაპიძის საჩივარი დაუშვებლად სცნო.

"ნაფიც მსაჯულთა სასამართლომ გაიზიარა პროკურატურის მიერ წარდგენილი მტკიცებულებები და 2016 წლის 04 ივლისს მაგდა პაპიძე ერთხმად სცნო დამნაშავედ ოჯახური დანაშაულის, კერძოდ, წინასწარი შეცნობით არასრულწლოვანისა და ორი პირის განზრახ მკვლელობაში, დანაშაული გათვალისწინებული საქართველოს სისხლის სამართლის კოდექსის 111-109-ე მუხლის მეორე ნაწილის „ბ“ და მესამე ნაწილის „ა“ ქვეპუნქტებით. 

საზოგადოებას შევახსენებთ, რომ 2015 წლის 19 დეკემბერს, ღამის საათებში, ქ.თბილისში, გ.ფერაძის ქუჩა N6-ში მდებარე საცხოვრებელი სახლის N10 ოთახში მაგდა პაპიძემ თავის არეში უროს რამდენიმე ჩარტყმით განზრახ მოკლა მეუღლე ომარ ქაფიაშვილი და გაგუდა არასრულწლოვანი შვილი, 5 წლის თორნიკე ქაფიაშვილი, რის შემდეგაც ცხედრები ეზოში გაიტანა და შეეცადა წაეშალა დანაშაულის კვალი.

2016 წლის 06 ივლისს თბილისის საქალაქო სასამართლოში გაიმართა სასჯელის დანიშვნის სხდომა და მოსამართლემ მაგდა პაპიძეს სასჯელის სახედ და ზომად განუსაზღვრა უვადო თავისუფლების აღკვეთა.

ზემოაღნიშნული განაჩენი გასაჩივრებული იქნა თბილისის სააპელაციო სასამართლოში, სადაც დაცვის მხარე ითხოვდა ნაფიც მსაჯულთა მიერ მიღებული გამამტყუნებელი ვერდიქტის გაუქმებას, საქმის დაბრუნებას ხელახალი განხილვისათვის და დანიშნული სასჯელის გაუქმებას.
ბრალდების მხარე სააპელაციო საჩივრის შესაგებელში მიუთითებდა, რომ მაგდა პაპიძის მიმართ გამოტანილი გამამტყუნებელი ვერდიქტი ემყარებოდა სასამართლოში გამოკვლეულ მტკიცებულებებს და იყო დასაბუთებული, ხოლო დანიშნული სასჯელი იყო კანონიერი, შესაბამისად არ არსებობდა ვერდიქტის გაუქმების და საქმის ხელახალი განხილვისათვის დაბრუნების საფუძველი.

თბილისის სააპელაციო სასამართლოს მიერ დაცვის მხარის საჩივარი დაუშვებლად იქნა ცნობილი",-აღნიშნულია პროკურტურის მიერ გავრცელებულ ინფორმაციაში. 

ომბუდსმენი: პატიმართა შორის ძალადობა და არაფორმალური მმართველობა ციხეში გამოწვევად რჩება

ომბუდსმენი: პატიმართა შორის ძალადობა და არაფორმალური მმართველობა ციხეში გამოწვევად რჩება

2 საათის წინ

"ე.წ. ზონები, რომელიც დღეს საქართველოში გვაქვს და არ იძლევა პატიმრების სათანადოდ მეთვალყურეობის შესაძლებლობას, არის ერთ-ერთი მთავარი საფუძველი ამ გამოწვევების,  სახალხო დამცველის რეკომენდაციაა, პენიტენციალურ სისტემაში განხორციელდეს...

USD 2.4546
EUR 2.8520
GBP 3.1981
TRY 0.5126