მოსამართლე რუსთავი 2-ს: თუ ჩემი გადაწყვეტილებები არ მოგწონთ, გაასაჩივრეთ

მოსამართლე რუსთავი 2-ს: თუ ჩემი გადაწყვეტილებები არ მოგწონთ, გაასაჩივრეთ

"თუ თვლით, რომ ჩემი გადაწყვეტილებები სამართლებრივად დასაბუთებული არ არის, ამის გასაჩივრება მარტივად შეგიძლია ზემდგომი ინსტანციის სასამართლოში", - ასე მიმართა თბილისის საქალაქო სასამართლოს სამოქალაქო კოლეგიის მოსამართლე თამაზ ურთმელიძემ ტელეკომპანია რუსთავი2-ის წარმომადგენლებს.

დღეს, მოსამართლემ ბიზნესმენ ქიბარ ხალვაშის მოპასუხე მხარის 7 შუამდგომლობიდან არცერთი არ დააკმაყოფილა, რასაც სხდომათა დარბაზში მოპასუხე მხარესა და მოსამართლეს შორის კამათი მოჰყვა.

რუსთავი 2-ის წარმომადგნელმა ზაზა ბიბილაშვილმა მოსამართლე მიკერძოებულობაში დაადანაშაულა და აცილების შუამდგომლობით მიმართა.

"თუ არ მოგწონთ გადაწყვეტილება, შეგიძლიათ გაასაჩივროთ, ეს არგუმენტი და პასუხი არაა. თუ ტყუილად ვზივართ აქ და ვლაპარაკობთ, და თქვენ მაინც იმას იტყვით, რაც წინასწარ გაქვთ განსაზღვრული, გვითხარით და წავალთ. თქვენ კომპეტენცია არ გყოფნით“. მოსამართლე ურთმელიძემ რუსთავი 2-ის წარმომადგენელს მიმართა და უთხრა: "კარგად მესმის თქვენი პათოსი, ჩემს აცილებაზე თქვენი შუამდგომლობა პროცესის ჩაშლას, პოლიტიზირებასა და სასამართლოს დისკრედიტაციას ემსახურება", - განაცხადა მოსამართლემ.

ბიზნესმენ ქიბარ ხალვაშის მოპასუხე მხარე ერთ-ერთი შუამდგომლობა საქმის მასალებიდან სამხარაულის ექსპერტიზის მიერ 2006-2007 წლებში ტელეკომპანია „საქართველოს“ წილის ნასყიდობის შესახებ მომზადებული დასკვნის ამოღება იყო.

პროკურატურამ საპრეზიდენტო კანდიდატის მხარდამჭერთა სიის შესაძლო გაყალბების ფაქტზე გამოძიება დაიწყო

პროკურატურამ საპრეზიდენტო კანდიდატის მხარდამჭერთა სიის შესაძლო გაყალბების ფაქტზე გამოძიება დაიწყო

7 საათის წინ

"საქართველოს მთავარ პროკურატურაში გამოძიება დაიწყო პოლიტიკური გაერთიანება „სახელმწიფო ხალხისთვის“ პრეზიდენტობის კანდიდატის მხარდამჭერთა სიის შესაძლო გაყალბების ფაქტზე, სისხლის სამართლის კოდექსის 362-ე მუხლის პირველი ნაწილით...

USD 2.6188
EUR 3.0593
GBP 3.4414
TRY 0.4088