თორნიკე რიჟვაძე ზორტიყელის მთის მოსახლეობას შეხვდა

თორნიკე რიჟვაძე ზორტიყელის მთის მოსახლეობას შეხვდა

აჭარის ავტონომიური რესპუბლიკის მთავრობის თავმჯდომარე თორნიკე რიჟვაძე, ხულოს მუნიციპალიტეტის მერთან ერთად, აჭარის ერთ-ერთ ყველაზე მაღალმთიან ადგილს - ზორტიყელს ეწვია.

 თორნიკე რიჟვაძე იალაღებზე მყოფ მოსახლეობას შეხვდა და მათ საჭიროებებს გაეცნო. როგორც აჭარის მთავრობის თავმჯდომარემ განაცხადა, შუამთობის დღესასწაულს ზორტიყელის მთაზე განსაკუთრებულად აღნიშნავენ.

"დღეს არის ზორტიყელობის დასაწყისი, შუამთობის დასაწყისი, მთის და ბარის სიყვარულის და პატივისცემის დღე. ჩვენ შევხვდით ჩვენს მეგობრებს და მივულოცეთ ეს დღესასწაული. მსგავსი შეხვედრები მთაში გაგრძელდება. დავინტერესდით იმ პრობლემებით, რომლებიც ჩვენს მოქალაქეებს აწუხებთ და რა თქმა უნდა, სწრაფი ტემპებით უნდა გადაიჭრას ძალიან ბევრი საკითხი. ჩვენ განვახორციელებთ ისეთ ღონისძიებებს, რომ ხელი შეეწყოს ჩვენს მოქალაქეებს უკეთ იცხოვრონ მთაში. მთის გაძლიერება კი ხელს შეუწყობს როგორც ბარის, ისე მთლიანად ქვეყნის გაძლიერებას" - განაცხადა თორნიკე რიჟვაძემ.

ზორტიყელის მთაზე შეკრებილმა მოსახლეობამ კმაყოფილება გამოთქვა აჭარის მთავრობის თავმჯდომარის ადგილზე სტუმრობით და ამ ფორმით დაწყებული კომუნიკაცია დადებითად შეაფასა.

თელავში, ავარიის შედეგად ერთი ადამიანი დაშავდა

თელავში, ავარიის შედეგად ერთი ადამიანი დაშავდა

13 საათის წინ

შემთხვევის შედეგად დაშავდა ერთი ადამიანი, რომელიც სასწრაფო დახმარების ბრიგადამ საავადმყოფოში გადაიყვანა. ადგილზე მობილიზებულია საპატრულო პოლიცია და სამაშველო სამსახური.

5 პოპულარული სიახლე
USD 2.5558
EUR 2.9154
GBP 3.2556
TRY 0.4193