მიქანაძე: პარლამენტში მიღებული იქნა გადაწყვეტილება პარლამენტის ახალი ლოგოს შექმნის თაობაზე

მიქანაძე: პარლამენტში მიღებული იქნა გადაწყვეტილება პარლამენტის ახალი ლოგოს შექმნის თაობაზე

„საქართველოს პარლამენტში მიღებული იქნა გადაწყვეტილება პარლამენტის ახალი ლოგოს შექმნის თაობაზე. ამ მიზნით, საქართველოს პარლამენტში შეიქმნა საკონკურსო კომისია, რომელსაც უშუალოდ პარლამენტის თავმჯდომარე, ბატონი ირაკლი კობახიძე ხელმძღვანელობს“, - განაცხადა პარლამენტის აპარატის უფროსმა, გივი მიქანაძემ დღეს გამართულ პრესკონფერენციაზე.

მისი განმარტებით, საკონკურსო კომისიაში პარლამენტის წევრებთან ერთად, პარლამენტის აპარატის თანამშრომლები და პარლამენტთან არსებული ჰერალდიკის სახელმწიფო საბჭოს წარმომადგენლები არიან გაერთიანებული.

როგორც პარლამენტის აპარატის უფროსმა აღნიშნა, კონკურსი დღეს გამოცხადდა და ის შესყიდვების სააგენტოს ოფიციალურ ვებგვერდზეა ატვირთული. ასევე, დღის განმავლობაში, ამ კონკურსთან დაკავშირებული ყველა ინფორმაცია და დეტალი განთავსებული იქნება საქართველოს პარლამენტის ოფიციალურ ვებგვერდზე.

„არანაირი არსებითი შეზღუდვა ამ კონკურსს არ აქვს. ნებისმიერი ასაკის ფიზიკურ პირს, აგრეთვე ნებისმიერ იურიდიულ პირს შესაძლებლობა აქვს მონაწილეობა მიიღოს ამ კონკურსში. გვაქვს რამდენიმე არსებითი საკითხი, რაც ამ კონკურსს უკავშირდება. კერძოდ: თითოეულ კონკურსანტს შესაძლებლობა აქვს მხოლოდ ერთი საკონკურსო წინადადება წარმოადგინოს, საკონკურსო წინადადებაში წარმოდგენილი ლოგოს ნიმუში აუცილებლად უნდა იყო 100% ორიგინალი და არ უნდა შეიცავდეს პლაგიატს, აგრეთვე, რაც მნიშვნელოვანია, წარმოდგენილ ლოგოში არ უნდა იყოს გამოყენებული პარლამენტის არც ერთი შენობის კონტურები“ -აღნიშნა გივი მიქანაძემ.

პარლამენტის აპარატის უფროსის განცხადებით, დღეიდან 19 აგვისტომდე ნებისმიერ დაინტერესებულ პირს შესაძლებლობა ექნება დეტალურად გაეცნოს კონკურსთან დაკავშირებულ ინფორმაციას, ხოლო 19-დან 24 აგვისტომდე სპეციალურად კონკურსისთვის გახსნილ ელექტრონულ მისამართზე შესაძლებელი იქნება თითოეულმა დაინტერესებულმა კანდიდატმა წარმოადგინოს საკონკურსო წინადადება.

„მას შემდეგ, რაც ყველა წინადადება წარმოდგენილი იქნება, საკონკურსო კომისია შეისწავლის და მიიღებს გადაწყვეტილებას გამარჯვებულის თაობაზე. გამარჯვებულისთვის დაწესებულია შესაბამისი ანაზღაურება, რომელიც 2500 ლარის ფარგლებშია განსაზღვრული“,-აღნიშნა გივი მიქანაძემ.

ამის შესახებ ინფორმაციას პარლამენტის პრესსამსახური ავრცელებს. 

დიმიტრი ხუნდაძე: გვქონდა მსჯელობა, რომ საპრეზიდენტო არჩევნებზე ჩვენი კანდიდატი დავასახელოთ

დიმიტრი ხუნდაძე: გვქონდა მსჯელობა, რომ საპრეზიდენტო არჩევნებზე ჩვენი კანდიდატი დავასახელოთ

10 საათის წინ

"რუსთავი 2"-ის ინფორმაციით, არ არის გამორიცხული "ქართულმა ოცნებამ" გადაწყვეტილება შეცვალოს და საკუთარი კანდიდატურა მაინც დაასახელოს. დასახელდა სავარაუდო კანდიდატიც, ეს რუსეთთან ურთიერთობის საკითხებში პრემიერის სპეციალური...

5 პოპულარული სიახლე
USD 2.5558
EUR 2.9154
GBP 3.2556
TRY 0.4193