ვერცხლი და ხუთი ბრინჯაო რუმინეთიდან - ქართველი კომაროველების დიდი წარმატება

ვერცხლი და ხუთი ბრინჯაო რუმინეთიდან - ქართველი კომაროველების დიდი წარმატება

რუმინეთში დასრულდა 59-ე საერთაშორისო ოლიმპიადა მათემატიკაში მოსწავლეთა შორის. ოლიმპიადაზე სულ 107 ქვეყნის მოსწავლეები მონაწილეობდნენ. 

შეჯიბრების მონაწილეებს სულ ექვსი ამოცანა უნდა ამოეხსნათ, სამი პირველ და სამი მეორე დღეს. დრო ამისთვის 4 საათი და 30 წუთი ჰქონდათ გამოყუფილი თითოეულ დღეს და ყოველი სრულყოფილად ამოხსნილი ამოცანა 7 ქულით ფასდებოდა.


ჯილდოები ასეთნაირად გაიცემოდა: 31ქულიდან - ოქრო;25-დან 31-მდე - ვერცხლი; 17-დან 25 ქულამდე - ბრინჯაო.

აღსანიშნავია, რომ ამოცანათა სირთულის გამო წელს მხოლოდ ორმა მოსწავლემ - ჯეიმს ლინმა აშშ-დან და აგნიჯო ბანერჯიმ დიდი ბრიტანეთიდან შეძლო ექვსივე ამოცანის სრულყოფილად ამოხსნა. გუნდურ ჩათვლაში პირველი ადგილი აშშ-ს მოსწავლეებმა დაიკავეს.

მათ 5 ოქროს და ერთი ვერცხლის მედალი მოიპოვეს და ჯამში 212 ქულა დააგროვეს 252 მაქსიმალურად შესაძლებელიდან. საქართველო ოლიმპადაზე ექვსი კომაროველი მოსწავლით იყო წარდგენილი.

მათგან საუკეთესომ, საბა ლეფსვერიძემ 29 ქულით ვერცხლის მედალი დაიმსახურა, ნიკა ბირკაძემ (24 ქულა), დიმა კორკოტაშვილმა (23 ქულა), სანდრო ხოხიაშვილმა (22 ქულა), აგრეთვე თემო თოლორაიამ და ლუკა მუშკუდიანმა კი ბრინჯაოს მედლები მოიპოვეს. გუნდურ ჩათვლაში საქართველოს მოსწავლეთა ნაკრებმა 133 ქულა დააგროვა და 27-ე ადგილი დაიკავა. გთავაზობთ ამოცანას, რომელიც ჩვენი გუნდის ვერცერთმა წევრმა ვერ ამოხსნა და რომლის ამოხსნაშიც ქულაც კი ვერ დაიმსახურა ოლიმპიადის მონაწილეთა აბსოლუტურმა უმრავლესობამ.

ამოცანა 3. ანტი-პასკალის სამკუთხედი ვუწოდოთ ტოლგვერდა სამკუთხედის ფორმის ცხრილს, ჩაწერილია რიცხვები ისე, რომ ბოლო სტრიქონში მდგომი რიცხვების გარდა, ყოველი რიცხვი ტოლია უშუალოდ მის ქვეშ მდგომი ორი რიცხვის სხვაობის მოდულის. ქვემოთ მოცემულია მაგალითი ანტი-პასკალის სამკუთხედისა, რომელიც ოთხი სტრიქონისგან შედგება და რომელშიც გვხვდება ყველა მთელი რიცხვი 1-დან 10-ის ჩათვლით. .....4 ....2 6 ...5 7 1 ..8 3 10 9 არსებობს თუ არა ანტი-პასკალის სამკუთხედი, რომელიც 2018 სტრიქონისგან შედგება და რომელშიც გვხვდება ყველა მთელი რიცხვი 1-დან 1 + 2 + · · · + 2018-ის ჩათვლით?

სტატიის ავტორი: რაულ კაპანაძე

საპატრიარქო: ვეწინააღმდეგებით კანაფის ნებისმიერი მიზნით მოყვანისა და რეალიზაციის ლეგალიზებას

საპატრიარქო: ვეწინააღმდეგებით კანაფის ნებისმიერი მიზნით მოყვანისა და რეალიზაციის ლეგალიზებას

3 საათის წინ

"მარიხუანას (კანაფის) კულტივირების კანონპროექტთან დაკავშირებით სოციალურ ქსელსა და მასმედიაში პერიოდულად ვრცელდება ინფორმაცია, თითქოს ნაწილი მოძღღვრებისა არ არის მკვეთრად უარყოფითი დამოკიდებულების, რომ ეკლესიამ პოზიციები დათმო და...

USD 2.6188
EUR 3.0593
GBP 3.4414
TRY 0.4088