გივი მიქანაძე პოლონეთის რესპუბლიკის სეიმის კანცელარიის უფროსს შეხვდა

გივი მიქანაძე პოლონეთის რესპუბლიკის სეიმის კანცელარიის უფროსს შეხვდა

პოლონეთის დედაქალაქ ვარშავაში, ცენტრალურ და აღმოსავლეთ ევროპის პარლამენტების სპიკერების რიგით მესამე სამიტის ფარგლებში, საქართველოს პარლამენტის აპარატის უფროსმა გივი მიქანაძემ პოლონეთის რესპუბლიკის სეიმის კანცელარიის უფროსთან, აგნიეშკა კაჩმარსკასთან ორმხრივი შეხვედრა გამართა.  

შეხვედრის დროს, ხელი მოეწერა შეთანხმებას საქართველოს პარლამენტის აპარატსა და პოლონეთის რესპუბლიკის სეიმის კანცელარიას შორის ორმხრივი თანამშრომლობის შესახებ.

გივი მიქანაძემ კოლეგას პოლონური პარლამენტარიზმის 550 წლისთავი მიულოცა და აღნიშნა, რომ პოლონეთი საქართველოს არა მარტო სტრატეგიული პარტნიორი, არამედ მეგობარი ქვეყანაცაა.

მხარეებმა ისაუბრეს გაფორმებული შეთანხმების მნიშვნელობაზე, რომელიც ხელს შეუწყობს მომავალ თანამშრომლობას პარლამენტების აპარატების დონეზე.

„პოლონეთს აქვს დიდი გამოცდილება ევროპულ კანონმდებლობაზე ჰარმონიზაციის კუთხით და ამ მიმართულებით თანამშრომლობის გაზიარება, არსებითად მნიშვნელოვანია საქართველოს პარლამენტისთვის, განსაკუთრებით მაშინ, როდესაც ახალი კონსტიტუციის მიხედვით ქვეყანაში პარლამენტის როლი მნიშვნელოვნად იზრდება”,-განაცხადა საქართველოს პარლამენტის აპარატის უფროსმა.

გაცვლითი სასწავლო ვიზიტები მიმდინარე წლის ბოლომდე გაიმართება. შეხვედრაზე შეთანხმდნენ, რომ ზემოაღნიშნულ პროგრამაში ჩართულნი იქნებიან აჭარის ავტონომიური რესპუბლიკის უმაღლესი საბჭოს აპარატის თანამშრომლებიც.

ამის შესახებ ინფორმაციას საქართველოს პარლამენტის პრესსამსახური ავრცელებს. 

ზვიად კუპრავა და ზაზა სარალიძე სისტემის და ძალადობის მსხვერპლი პირების ბაზას ქმნიან

ზვიად კუპრავა და ზაზა სარალიძე სისტემის და ძალადობის მსხვერპლი პირების ბაზას ქმნიან

4 საათის წინ

“შევქმნით სრულ ბაზას პირებისა, ვინც ჩვენთან მოვა და შესაბამისად ადამიანების, ვინც არის სისტემის და ძალადობის მსხვერპლი, შემდეგ ამ სიას წარვუდგენთ დანიშნულ მთავრობას, მივცემთ გონივრულ ვადას, შესაბამისად მოვთხოვთ ამ გონივრულ ვადაში თითოეული...

USD 2.4417
EUR 2.8436
GBP 3.1813
TRY 0.5080