გოგუაძე: ნატოს სამიტმა საქართველო-ნატოს თანამშრომლობაში ახალი საკითხები და ფორმატი უნდა გააჩინოს და საბოლოოდ, ეს პროცესი, ნატოს წევრობამდე მიგვიყვანს

გოგუაძე: ნატოს სამიტმა საქართველო-ნატოს თანამშრომლობაში ახალი საკითხები და ფორმატი უნდა გააჩინოს და საბოლოოდ, ეს პროცესი, ნატოს წევრობამდე მიგვიყვანს

„საქართველოს ნატოში გაწევრიანება ეს არის ჩვენი საგარეო პოლიტიკის და ქვეყნის უსაფრთხოების პოლიტიკის უმთავრესი პრიორიტეტი. საქართველოს დელეგაციის მოლოდინი არის, რომ ეს სამიტი საქართველოს ნატოსთან თანამშრომლობის ახალ საკითხებს და ფორმატს გააჩენს და საბოლოოდ, ბუნებრივია, მთელი ეს პროცესი ნატოს წევრობამდე მიგვიყვანს“, - ასე გამოეხმაურა საქართველოს საგარეო ურთიერთობათა კომიტეტის თავმჯდომარის პირველი მოადგილე, ნინო გოგუაძე ბრუსელში მიმდინარე ნატოს სამიტს. 

„მნიშვნელოვანია, რომ მიმდინარე სამიტზე, ნატოს წევრი ქვეყნების სახელმწიფო მეთაურებმა პირველად მიიღეს ერთობლივი დეკლარაცია საქართველოს შესახებ, სადაც ქვეყნის ლიდერებმა კვლავ დაადასტურეს, რომ საქართველო გახდება ალიანსის წევრი ქვეყანა და 2008 წლიდან დღემდე საქართველოს მნიშვნელოვანი პროგრესი აქვს ნაჩვენები ამ მიზნის მისაღწევად.

ასევე პირველი შემთხვევაა საქართველო-ნატოს ურთიერთობებში, როდესაც საქართველოს შესაძლებლობა აქვს წევრი ქვეყნების ლიდერებთან ერთად, უმაღლესი დონის შეხვედრის ფარგლებში, კონკრეტულად საქართველოსთან დაკავშირებულ საკითხებზე იმსჯელოს. საკითხები შეეხება, როგორც საქართველოს ნატოში გაწევრიანების პროცესს, ასევე რეგიონულ უსაფრთხოებას და საქართველოს როლს რეგიონული უსაფრთხოებაში.

სამიტის მნიშვნელოვანი შედეგია, რომ საქართველოს ნატოსთან ითანამშრომლებს შავი ზღვის უსაფრთხოების განმტკიცების საკითხებში და ეს იქნება ახლი მნიშვნელოვანი მიმართულება საქართველო-ნატოს თანამშრომლობაში“, - განაცხადა ნინო გოგუაძემ.

შეგახსენებთ, რომ 11-12 ივლისს, ბრიუსელში ნატოს 2018 წლის სამიტი იმართება.

ამის შესახებ ინფორმაციას საქართველოს პარლამენტის პრესსამსახური ავრცელებს. 



 

წერეთელი: 2005-ში პროკურატურას ე.წ გაიდლაინები ჰქონდა, არ დაეკავაებინათ მარიხუანას მოხმარებაზე

წერეთელი: 2005-ში პროკურატურას ე.წ გაიდლაინები ჰქონდა, არ დაეკავაებინათ მარიხუანას მოხმარებაზე

2 საათის წინ

მისი თქმით, კანონპროექტი მარიხუანას შესახებ მან ჯერ კიდევ 2005 წელს შეიტანა. "მე 2005 წელს შევიტანე ეს კანონი პარლამენტში, 2006 წელს... და გეტყვით, ბოლო პეროდში და მე ვაწარმოებდი მოლაპარაკებებს მაშინ ხელისუფლების პირველ პირებთან ამ თემაზე, შიდა...

USD 2.6188
EUR 3.0593
GBP 3.4414
TRY 0.4088