დონალდ ტრამპი იმედოვნებს, რომ რუსეთსა და ნატო-ს შორის ურთიერთობები დარეგულირდება

დონალდ ტრამპი იმედოვნებს, რომ რუსეთსა და ნატო-ს შორის ურთიერთობები დარეგულირდება

აშშ-ს პრეზიდენტი დონალდ ტრამპი იმედოვნებს, რომ რუსეთსა და ნატო-ს შორის ურთიერთობები დარეგულირდება. ამის შესახებ მან ბრიუსელში ნატო-ს სამიტის ფარგლებში გამართულ პრესკონფერენციაზე განაცხადა. ინფორმაციას CNN საკუთარ "ტვიტერზე" ავრცელებს.  

"ვიმედოვნებ, რუსეთთან ურთიერთობების დარეგულირებას შევძლებთ. სავარაუდოდ, ჩვენ ამას შევძლებთ",-აღნიშნა ტრამპმა.  

დონალდ ტრამპმა ასევე აშშ-სა და ნატო-ს შორის ურთიერთობებზე ისაუბრა და აღნიშნა, რომ ალიანსი "უფრო ძლიერი გახდა, ვიდრე ორი დღის წინ იყო."
მან დასძინა, რომ შესაძლებლობების მიუხედავად, ქვეყანა ორგანიზაციის დატოვებას არ გეგმავს. 

მანამდე, სააგენტო Deutsche Presse-Agentur (DPA) წყაროზე დაყრდნობით წერდა, რომ დონალდ ტრამპი ნატო-ს დატოვებით დაიმუქრა იმ შემთხვევაში, თუ მისი მოკავშირეები თავდაცვით ხარჯებს არ გაზრდიან. 

3 ივლისს, აშშ-ის პრეზიდენტმა დონალდ ტრამპმა NATO-ს წევრ ქვეყნებს წერილი მისწერა, სადაც იგი უკმაყოფილებას გამოთქვამს მათ მიერ შეუსრულებელი ვალდებულებების გამო, რომელიც თავდაცვის მიზნით გამოყოფილი თანხების გაზრდას ითვალისწინებს. გერმანიის ლიდერისთვის ანგელა მერკელისთვის გაგზავნილ წერილში დონალდ ტრამპი წერს, რომ გერმანიის მიერ, ალიანსის უსაფრთხოებისთვის გამოყოფილი არასაკმარისი თანხა ძირს უთხრის ალიანსის უსაფრთხოებას და სხვა წევრ ქვეყნებსაც აძლევს საბაბს, არ შეასრულონ თავიანთი ვალდებულებები.

კურტ ვოლკერი:  აშშ რუსეთის მიერ ყირიმის ანექსიას არასდროს აღიარებს

კურტ ვოლკერი: აშშ რუსეთის მიერ ყირიმის ანექსიას არასდროს აღიარებს

8 წუთის წინ

"ამ დეკლარაციით სახელმწიფო მდივანმა მაიკ პომპეომ ნათლად აღნიშნა, რომ აშშ არასოდეს აღიარებს რუსეთის მიერ ყირიმის ანექსიას", - ციტირებს კურტ ვოლკერის სიტყვებს პრესსამსახური. ამერიკელმა დიპლომატმა დასძინა, რომ ეს დეკლარაცია ისეთივე...

USD 2.6184
EUR 3.0798
GBP 3.4445
TRY 0.4273