ბურჯანაძე: არ გამოვრიცხავ, ივანიშვილთან გარიგების სცენარში ბოკერიას "ნაცმოძრაობაც" ჩაჰყვა

ბურჯანაძე: არ გამოვრიცხავ, ივანიშვილთან გარიგების სცენარში ბოკერიას "ნაცმოძრაობაც" ჩაჰყვა

„დემოკრატიული მოძრაობის“ ლიდერი ნინო ბურჯანაძე არ გამორიცხავს, რომ გიგა ბოკერია და მისი გუნდი ისევ ბიძინა ივანიშვილის სცენარით მოქმედებს.

ასე შეაფასა ბურჯანაძემ „აიპრესთან“ „ნაციონალური მოძრაობისა“ და „ევროპული საქართველოს“ წინასაარჩევნო თანამშრომლობის შეთანხმება. ბურჯანაძე არც იმას გამორიცხავს, რომ ამ სცენარში ბოკერიას „ნაციონალური მოძრაობაც“ ჩაჰყვა

„პრინციპში მოულოდნელი არაფერი არ არის. დარწმუნებული ვარ, რომ გარკვეულ ეტაპზე გიგა ბოკერია მოქმედებდა ივანიშვილთან გარიგების და შეთანხმების სცენარით. არ გამოვრიცხავ, რომ ახლაც იგივე სცენარი გრძელდება. „ნაციონალური მოძრაობის“ მეორე ფრთა ან ვერ ხვდება, ან შეგნებულად წავიდა ამ სცენარზე, რომელიც რეალურად ბიძინა ივანიშვილის წისქვილზე ასხამს წყალს.

ბოლო პერიოდის განმავლობაში ბიძინა ივანიშვილმა „ნაციონალური მოძრაობა“ იმისთვის გადაარჩინა, რომ ის ყველა არჩევნებზე საფრთხობელად ჰყოლოდა. დააშინებდა ადამიანებს, რომ აი თუ არ მოგწონთ „ოცნება“, მაშინ მოვა „ნაცმოძრაობა“. ნებისმიერი ადამიანი, მათ შორის მეც, ვისაც ასეთი არჩევანი დაგვიდგება რა თქმა უნდა „ნაცმოძრაობისკენ“ არ გადავიხრებით. შეიძლება საერთოდ არ მივიდე არჩევნებზე ან იძულებული გახდე, რომ „ოცნებას“ დავუჭირო მხარი. ეს სცენარი გათამაშდა ახლა. მე არ ვიცი, მიხვდა თუ არა „ნაცმოძრაობის“ მეორე ფრთა და ამისდა მიუხედავად ჩაჰყვა მას ამ თამაშში თუ არა. საკმაოდ რთული მდგომარეობა აქვს მას როგორც კანდიდატის, ისე ბევრი სხვა მიმართულების თვალსაზრისით.

არ ვიცი, შეიძლება ვერ მიხვდა და ბოკერიამ ისინი ევროპელი კოლეგის მეშვეობით წამოიყვანა ამ გზით. ნებსით თუ უნებლიედ მათ განახორციელეს სცენარი, რომელიც „ქართულ ოცნებას“ და ბიძინა ივანიშვილს აწყობს. ეს არის სქემა, რომელიც ივანიშვილს ისედაც დაგეგმილი ჰქონდა, რომ ნებისმიერ ფასად როგორმე მეორე ადგილზე გაეყვანა ბაქრაძე. ეს გარკვეულწილად „ნაცმოძრაობისთვის“ მომაკვდინებელი იყო, მაგრამ ეს სცენარი არსებობდა. რეალურმა ოპოზიციამ ამ გარიგებას მხარი არავითარ შემთხვევაში არ უნდა დაუჭიროს“, - განაცხადა ნინო ბურჯანაძემ.

ზვიად კუპრავა და ზაზა სარალიძე სისტემის და ძალადობის მსხვერპლი პირების ბაზას ქმნიან

ზვიად კუპრავა და ზაზა სარალიძე სისტემის და ძალადობის მსხვერპლი პირების ბაზას ქმნიან

3 საათის წინ

“შევქმნით სრულ ბაზას პირებისა, ვინც ჩვენთან მოვა და შესაბამისად ადამიანების, ვინც არის სისტემის და ძალადობის მსხვერპლი, შემდეგ ამ სიას წარვუდგენთ დანიშნულ მთავრობას, მივცემთ გონივრულ ვადას, შესაბამისად მოვთხოვთ ამ გონივრულ ვადაში თითოეული...

USD 2.4417
EUR 2.8436
GBP 3.1813
TRY 0.5080