დავითაშვილი: მთელი საქართველოს მასშტაბით ადრეული შეტყობინებების სისტემას დავნერგავთ

დავითაშვილი: მთელი საქართველოს მასშტაბით ადრეული შეტყობინებების სისტემას დავნერგავთ

„მთელი საქართველოს მასშტაბით ადრეული შეტყობინებების სისტემას დავნერგავთ და ამ პირობებში ჰიდრომეტეოროლოგიური თუ გეოლოგიური წარმოშობის სტიქიური უბედურებების შესახებ გვექნება წინასწარი ინფორმაცია, რაც მნიშვნელოვნად გააუმჯობესებს სახელმწიფოს მხრიდან რეაქციას ასეთი ტიპის რისკებზე“, - ამის შესახებ გარემოს დაცვისა და სოფლის მეურნეობის მინისტრმა ლევან დავითაშვილმა მთავრობის ადმინისტრაციაში ჟურნალისტებს განუცხადა.

მისი თქმით, ასეთი ტიპის სადგურები 2019 წლიდან ყველა იმ ადგილებში განთავსდება, სადაც სტიქიური მოვლენების რისკი არსებობს. 

„რამდენიმეწლიანი პროექტი განხორციელდება გარემოს დაცვის სამინისტროს მიერ ძირითადად, თუმცა როდესაც ვსაუბრობთ ადრეული გაფრთხილების სისტემებზე, ძალიან მნიშვნელოვანია, რომ თვითონ ამ ინფორმაციის სწორად გამოყენება მოხდეს და უწყებებს და მუნიციპალიტეტებს ჰქონდეს წვდომა ინფორმაციაზე. ჩვენ 2019 წლიდან დავიწყებთ ინფორმაციის შეგროვებას, რამდენიმე წელიწადი გაგრძელდება პროექტი, 2-3 წლის განმავლობაშ სადგურების განთავსებას მოვახდენთ და საბოლოოდ ეს არის 7-წლიანი პროექტი, როდესაც საქართველო მთლიანად აღიჭურვება თანამედროვე ტექნოლოგიებით, რათა ჩვენ ადეკვატურად ვუპასუხოთ იმ გამოწვევებს, რომელიც კლიმატის ცვლილებას უკაშირდება“, - აღნიშნა ლევან დავითაშვილმა. 

მინისტრის განცხადებით, ამისთვის საქართველოს მთავრობამ გლობალური კლიმატის ფონდისგან 27 მილიონიანი გრანტი მიიღო. 

„ამაზე გარემოს დაცვის და სოფლის მეურნეობსი სამინისტრო მუშაობდა. ეს მოგვცემს საშუალება, რომ გარემოს ეროვნული სააგენტოს შესაძლებლობები ადეკვატურად განვითარდეს და გაძლიერდეს. სამწუხაროდ, ჰიდრომეტეოროლოგიის მიმართულებით, გარემოს ეროვნული სააგენტოს მიმართულებით ბევრი რამ გასაკეთებელი გვაქვს, მათ შორის თანამედროვე ტექნიკური აღჭურვა ბევრი მიმართულებით გვჭირდება და ძალიან კარგია, რომ ამ მიმართულებით ჩვენ მარტო არ ვართ და დონორები გვეხმარებიან“, - განაცხადა ლევან დავითაშვილმა.

სუბარი: ქალბატონი სალომეს პრეზიდენტობა ნიშნავს მეტ ევროპას საქართველოში

სუბარი: ქალბატონი სალომეს პრეზიდენტობა ნიშნავს მეტ ევროპას საქართველოში

10 საათის წინ

„ქალბატონი სალომე არ არის „ქართული ოცნების“ წევრი. ის არის დამოუკიდებელი კანდიდატი, რომელსაც „ქართული ოცნება“ უჭერს მხარს. ქალბატონი სალომე პარტიის წევრიც რომ იყოს, მაშინაც დამოუკიდებელი იქნებოდა, რადგან დამოუკიდებელი პიროვნებაა და...

5 პოპულარული სიახლე
USD 2.6216
EUR 3.0854
GBP 3.4584
TRY 0.4172