იანოშ ჰერმანი: საქართველოში უსაფრთხოების მიმართულებითაც ვიწყებთ პროგრამების განხორციელებას

იანოშ ჰერმანი: საქართველოში უსაფრთხოების მიმართულებითაც ვიწყებთ პროგრამების განხორციელებას

„ევროკავშირი ზრდის აქცენტებს ეკონომიკური განვითარების ხელშეწყობაზე, მცირე და საშუალო საწარმოების გაძლიერებაზე, აგრეთვე, განათლების სისტემაზე, განსაკუთრებით - პროფესიული განათლების ნაწილში. უსაფრთხოების მიმართულებითაც ჩვენ ვიწყებთ საქართველოში პროგრამების განხორციელებას“ - ამის შესახებ ევროკავშირის ელჩმა საქართველოში, იანოშ ჰერმანმა პრემიერ-მინისტრთან დღეს გამართული შეხვედრის შემდეგ განაცხადა.

მისივე თქმით, ევროკავშირი აქტიურად განაგრძობს საქართველოს მთავრობის მტკიცე მხარდაჭერას და ქვეყნის ევროინტეგრაციის გზაზე სხვადასხვა მნიშვნელოვანი პროგრამის განხორციელებას.

„ჩვენ მოგვეცა საქართველოსა და ევროკავშირს შორის თანამშრომლობის მთელი პროგრამის მიმოხილვის შესაძლებლობა. ვისაუბრეთ ახალი მთავრობის ფორმირებაზე და სამთავრობო პროგრამის განხორციელებაზე. შევეხეთ ასევე ევროკავშირის დახმარებას, ფინანსური მხარდაჭერის პროგრამებს. საუბარი შეეხო ამ პროგრამების განხორციელების საუკეთესო გზებსა და მეთოდებს. პრემიერ-მინისტრმა მკაფიოდ განაცხადა, რომ ევროკავშირის პროგრამები ძალიან მნიშვნელოვანი სამთავრობო გეგმების განხორციელებისთვისაც.

ჩვენი მოსაზრებები ერთმანეთს ბევრ საკითხზე ემთხვევა და მოუთმენლად ველით მამუკა ბახტაძის ხელმძღვანელობით ქვეყნის ახალ მთავრობასთან თანამშრომლობას. დიდ წარმატებებს ვუსურვებ ახალ პრემიერ-მინისტრს და ვარწმუნებთ, რომ ევროკავშირი უცილობლად გააგრძელებს მისი ძალისხმევის მხარდაჭერას.

ჩვენ ასევე ველით ახალი კონტაქტების დამყარებას, განსაკუთრებით მაღალი დონის ვიზიტებს საქართველოსა და ევროკავშირში,“- აღნიშნა იანოშ ჰერმანმა, რომელიც საქართველოში დიპლომატიურ მისიას ასრულებს.

ამის შესახებ ინფორმაციას საქართველოს მთავრობა ავრცელებს. 

სირიამ ოკუპირებულ სამხრეთ ოსეთთან დიპლომატიური ურთიერთობები დაამყარა

სირიამ ოკუპირებულ სამხრეთ ოსეთთან დიპლომატიური ურთიერთობები დაამყარა

1 საათის წინ

მათ შორის მოლაპარაკებები ოკუპირებული სამხრეთ ოსეთის ე.წ დელეგაციის სირიაში ვიზიტის დროს გაიმართა. აღსანიშნავია, რომ მოლაპარაკებების დროს მინისტრებმა რიგ სფეროებში ორმხრივი ურთიერთობების განვითარების საკითხები განიხილეს. ასევე, ვალიდ...

USD 2.4417
EUR 2.8436
GBP 3.1813
TRY 0.5080