ნინო თიბილაშვილი მსოფლიო ჩემპიონია!

ნინო თიბილაშვილი მსოფლიო ჩემპიონია!

ვარშავაში მიმდინარე მსოფლიო ჩემპიონატზე ფარიკაობაში 23 წლამდელ ეტლით მოსარგებლეთა შორის ნინო თიბილაშვილმა გადამწყვეტ შეხვედრაში იტალიელ სპორტსმენს 15:4 სძლია და მსოფლიო ჩემპიონის ტიტული მოიპოვა ხმლით ფარიკაობაში. 

ასევე, ორი დღის წინ, ვარშავაში დასრულდა ეტლით მოსარგებლე მოფარიკავეთა მსოფლიო თასის ეტაპი, ცნობილი სახელწოდებით "კილინსკის ხმალი" (იან კილინსკი - პოლონეთის ეროვნული გმირი, თადეუშ კოსტიუშკოს უახლოესი თანამებრძოლი). წარმატებით იასპარეზა საქართველოს წარგზავნილმა ირმა ხეცურიანმა. 

შეჯიბრებაში ჩაბმული 22 სპორტსმენი თავდაპირველად ოთხ ჯგუფად გაიყვნენ. ირმამ ჯგუფში ბერძენი კალიოპ ლოუფაკი მშრალად 5:0 დაამარცხა, ჩინელ ხიაო რონგს, რუს ირინა მიშუროვას და უკრაინელ ოლენა ფედოტას ერთნაირი ანგარიშით 5:2 სძლია, ჯგუფში პირველი ადგილი დაიკავა და ოლიმპიური სისტემით შეჯიბრების გაგრძელებისას პირდაპირ მერვედფინალში ასპარეზობის უფლება მოიპოვა. მერვედფინალში ირმამ ადვილად სძლია ინდონეზიელ ელიჰ ელიჰს - 15:1, შემდეგ კი მეოთხედფინალურ შეხვედრაში უკრაინელი ნადია დოლოგი დაამარცხა - 15:10. ნახევარფინალში ირმამ რთულ ბრძოლაში ასევე უკრაინელ ტატიანა პოზნიაკს სძლია 15:13 და ფინალში გავიდა. ფინალური შეხვედრა მსოფლიოს არაერთგზის ჩემპიონ და აგრეთვე პარაოლიმპიურ თამაშების გამარჯვებულ ტაილანდელ იანა საისუნთან ირმას გამარჯვებით 15:10 დასრულდა და მან ოქროს მედალი მოიპოვა.

ავტორი: რაულ კაპანაძე

გურამ თუშიშვილი ძიუდოს მსოფლიო ჩემპიონატის ნახევარფინალში გავიდა

გურამ თუშიშვილი ძიუდოს მსოფლიო ჩემპიონატის ნახევარფინალში გავიდა

2 საათის წინ

ჰოლანდიელმა როი მაიერმა თუშიშვილთან დაპირისპირება აგრესიულად დაიწყო, რასაც ტატამის ერთ-ერთ მხარეს სარეკლამო ბანერის ჩამოშლა მოჰყვა. მიუხედავად აგრესიისა, მაიერმა თუშიშვილთან ვერაფერი განაწყო, თუმცა ქართველ ფალავანს მეტოქის დასამარცხებლა...

USD 2.6184
EUR 3.0798
GBP 3.4445
TRY 0.4273