ოქრო ხორვატიიდან - ბაგრატ გაგნიძე კადეტ მოჭიდავეთა შორის მსოფლიო ჩემპიონია (ვიდეო)

ოქრო ხორვატიიდან - ბაგრატ გაგნიძე კადეტ მოჭიდავეთა შორის მსოფლიო ჩემპიონია (ვიდეო)

ხორვატიის დედაქლაქ ზაგრებში მიმდინარე კადეტ მოჭიდავეთა მსოფლიო ჩემპიონატზე დამთავრდა შეჯიბრი თავისუფალი სტილით მოჭიდავეთა შორის 48კგ წონით კატეგორიაში გორელი გიორგი გეგელაშვილის მიერ მოპოვებულ ბრინჯაოს 71კგ წონით კატეგორიაში მოასპარეზე ქუთაისელმა ბაგრატ გაგნიძემ შემატა ოქრო. 

შეხვედრის დასაწყისში ბაგრატი დაწინაურდა - 2:0, თუმცა მისმა მოწინააღმდეგემ ინდოელმა ბალიან გურავმა ჯერ გაათანაბრა ანგარიში, პერიოდის ბოლოს კი დაწინაურდა კიდეც - 4:2. მეორე პერიდის დამთავრებამდე 44 წამით ადრე მან კვლავ აიღო 2 ქულა და ამასთან კიდევ 12 წამი ბაგრატის ზემოდან მოქცეული იყო. მეტად კრიტიკულ მდგომარეობაში მყოფმა ბაგრატმა შეძლო მობილზება და დამთავრებამდე 25 წამით ორქულიანი გდებით ანგარიში შეამცირა. შეხვედრის განახლებისთანვე კი კვლავ შეტევაზე გადავიდა და კვლავ ანალოგიური გდებით შეხვედრის დასრულებამდე 14 წამით ადრე ანგარიში გაათანაბრა. ამის შემდეგ მან ჯერ მოახერხა და 10 წამი არ მისცა ინდოელ ხალიჩიდან წამოდგომის საშუალება, შემდეგ კი მოიგერია მისი შეტევა და ბოლოს შესრულებული ილეთის უპირატესობის გამო გამარჯვება მოიპოვა. შეხვედრის დასრულების შემდეგ აწ უკვე მსოფლიოს ორგზის ჩემპიონს სიხარულის ცრემლის შეკავება გაუჭირდა.

დღეს ბრძოლაში კლასიკური სტილით მოჭიდავე კადეტები ჩაერთვნენ და ხუთიდან ორ წინით კატეგორიაში გვყავს ფინალისტები. 55 კგ წონით კატეგორიის ფინალში გიორგი პერტაია ირანელ ამირხოსეინ გოლამ რეზა ხუნსარს შეხვდება, ხოლო 80კგ წონით კატეგორიაში გიორგი ცოფურაშვილი სომეხ კარენ ხაჩატრიანს. 65კგ წონით გატეგორიაში ხვიჩა ანანიძე იჭიდავებს ბრინჯაოს მედლისთვის.

მასალა მოამზადა რაულ კაპანაძემ.

აკი ბაშოს გამარჯვებულმა ჰაკუჰომ ყოველდღიური ფულადი ჯილდოების სახით 23 მილიონ იენზე მეტი მიიღო

აკი ბაშოს გამარჯვებულმა ჰაკუჰომ ყოველდღიური ფულადი ჯილდოების სახით 23 მილიონ იენზე მეტი მიიღო

11 საათის წინ

ფულადი ჯილდო ყოველი კონკრეტული წყვილი სუმოტორისთვის სხვადასხვაა და მისი ოდენობა სპონსორის მიერ, მისი სურვილის და კონკრეტული სუმოტორისადმი სიმპატიის მიხედვით განისაზღვრება. ჯილდო გამარჯვებულს ორთაბრძოლის დასრულებისთანვე გადაეცემა...

5 პოპულარული სიახლე
USD 2.6216
EUR 3.0854
GBP 3.4584
TRY 0.4172