საგზაო დეპარტამენტის თავმჯდომარის მოადგილემ ნუგზარ გასვიანმა თანამდებობა დატოვა

საგზაო დეპარტამენტის თავმჯდომარის მოადგილემ ნუგზარ გასვიანმა თანამდებობა დატოვა

საქართველოს რეგიონული განვითარებისა და ინფრასტრუქტურის სამინისტროში რეორგანიზაცია მიმდინარეობს. საგზაო დეპარტამენტის თავმჯდომარის მოადგილე ნუგზარ გასვიანმა და პროექტების მართვის სამსახურის უფროსმა ავთანდილ გვაზავამ თანამდებობები დატოვეს. თუმცა,  როგორც "აიპრესთან" საგზაო დეპარტამენტში აცხადებენ, არც გასვიანს და არც გვაზავას თანამდებობები რეორგანიზაციის შედეგად არ დაუტოვებიათ. მათი ინფორმაციით, ორივემ თანამდებობა პირადი განცხადების საფუძველზე დატოვა. 

„რაც შეეხება ავთანდილ გვაზავას, კონკრეტული რეორგანზაციის ფარგლებში არ წასულა ჩვენი სამსახურიდან. უკვე თვეზე მეტია რაც არ მუშაობს. ის საკუთარი განცხადების სფუძველზე წავიდა და ეს ახალი ამბავი არ არის. 

რაც შეეხება ნუგზარ გასვიანს, მე მქონდა მასთან გუშინ დილით კომუნიკაცია, ერთმანეთს დავემშვიდობეთ და წარმატება ვუსურვეთ, მითხრა რომ მედია უკავშირდებოდა და მათ უთხრა, რომ საკუთარი განცხადების საფუძველზე დატოვა თანამდებობა და რეორგანიზაციის ფარგლებში არავის გაუშვია.

რაც შეეხება სამინისტროში რეორგანიზაციას, აქ ოფიციალურად არავინ გაუშვიათ. ეს არის სავარაუდო განთავისუფლება. ამ ადამინებს რაღაც მობილობის პრინციპით, შესაბამისი კვალიფიკაციის ფარგლებში ან ამ სამინისტროს ან სხვა სამინისტროს ფარგლებში უნდა შესთავაზონ თანამდებობა, ანუ ჩასვან რეზერვში, სადაც ისინი პრიორიტეტულ სამომავლო დასაქმებულებად იქნებიან გათვალისწინებული სახელმწიფოს მხრიდან", - გვითხრეს გზების დეპარტამენტში.

დედაქალაქის მერმა კიკეთში ქუჩების სარეაბილიტაციო სამუშაოები დაათვალიერა

დედაქალაქის მერმა კიკეთში ქუჩების სარეაბილიტაციო სამუშაოები დაათვალიერა

4 საათის წინ

დედაქალაქის მერის თქმით, პროექტის განხორციელების შედეგად, მთლიანად მოწესრიგდება გზა, რომელიც წლების განმავლობაში მძიმე მდგომარეობაში იყო. „კიკეთის გადასახვევიდან ეკლესიამდე 2-კილომეტრიანი მონაკვეთი, რომელიც ძალიან დაზიანებული იყო...

USD 2.4417
EUR 2.8436
GBP 3.1813
TRY 0.5080