ბულგარეთის რესპუბლიკის ორგანიზებით ბათუმში ეთნოგრაფიული გამოფენა მოეწყო

ბულგარეთის რესპუბლიკის ორგანიზებით ბათუმში ეთნოგრაფიული გამოფენა მოეწყო

ბულგარეთის რესპუბლიკის საელჩოს ორგანიზებით ბათუმის შოთა რუსთაველის სახელმწიფო უნივერსიტეტში ეთნოგრაფიული გამოფენა მოეწყო.

გამოფენა ჩატარდა ბულგარეთის ევროკავშირის საბჭოს თავმჯდომარეობის აღსანიშნავად და ის მიზნად ისახავდა ბულგარეთის კულტურის საქართველოში პოპულარიზაციას. ბულგარეთი ევროკავშირს 2007 წელს შეუერთდა, ხოლო 2018 წელს პირველად ევროკავშირის თავმჯდომარე ქვეყანა გახდა. გამოფენა ბულგარეთის რესპუბლიკის საგანგებო და სრულუფლებიანმა ელჩმა დესისლავა ივანოვამ პრეზენტაციით გახსნა და საზოგადოებას ბულგარეთის რესპუბლიკის ევროკავშირის საბჭოს თავმჯდომარეობის შედეგები წარუდგინა.

ბულგარეთის რესპუბლიკის ელჩმა აჭარის განათლების, კულტურისა და სპორტის მინისტრს, ინგა შამილიშვილს მხარდაჭერისთვის და თანამშრომლობისთვის განსაკუთრებული მადლობა გადაუხადა. „ბულგარეთის რესპუბლიკა გახლდათ ევროკავშირის საბჭოს თავმჯდომარე ქვეყანა. ამ პერიოდის განმავლობაში არაერთი მნიშვნელოვანი ღონისძიება ჩატარდა ბულგარეთის საელჩოს ორგანიზებით.

სიმბოლურია, რომ დასკვნითი ღონისძიება სწორედ ბათუმში გაიმართა. ვულოცავ ბულგარეთის რესპუბლიკას ამ პერიოდის წარმატებით დასრულებას“ -აღნიშნა მინისტრმა ინგა შამილიშვილმა.

ღონისძიებას აჭარის უმაღლესი საბჭოს თავმჯდომარე დავით გაბაიძე, ქალაქ ბათუმის მერი ლაშა კომახიძე, საქართველოს კულტურისა და სპორტის მინისტრის მოადგილე ლევან ხარატიშვილი, აჭარის განათლების, კულტურისა და სპორტის მინისტრის მოადგილეები თეონა ბერიძე,ბადრი ნაკაშიძე, ირაკლი თავბერიძე და ბათუმის შოთა რუსთაველის სახელმწიფო უნივერსიტეტის რექტორი მერაბ ხალვაში ესწრებოდნენ. 

ეთნოგრაფიულ გამოფენაზე ალექსანდრე მიხაილოვის 25 ფოტო გამოიფინა. ექსპოზიციაზე ბულგარელი ხალხის ყოფა-ცხოვრება და ტრადიციები იყო ასახული. გამოფენაზე წარმოდგენილი იყო ბულგარული ეროვნული ტანისამოსი და ცეცხლის რიტუალი.

ქვეყნის მასშტაბით ბულგარეთის საელჩოს ორგანიზებით სხვადასხვა სახის ღონისძიება იმართება, ინიციატივის მიზანია, უფრო ვრცლად გაიცნონ პარტნიორმა ქვეყნებმა ბულგარეთის კულტურა, ისტორია და ტრადიცია.
 

თეონა ჭალიძე: ქუთაისის მაგალითმა კიდევ ერთხელ დაადასტურა, რომ სასადილოებში პრობლემებია

თეონა ჭალიძე: ქუთაისის მაგალითმა კიდევ ერთხელ დაადასტურა, რომ სასადილოებში პრობლემებია

6 საათის წინ

"ქვეყნის მასშტაბით, უფასო სასადილოებით ათიათასობით ადამიანი სარგებლობს. მხოლოდ თბილისში 40000 მდე პირია ჩართული სასადილოების პროგრამაში, 8000-მდე სოციალურად დაუცველი პირი კი მოლოდინის რეჟიმშია და ითხოვს პროგრამაში ჩართვას. მოთხოვნა სოციალური...

USD 2.4579
EUR 2.8357
GBP 3.2267
TRY 0.5167