"რუკები საქართველოს მდგრადი განვითარებისთვის –საქართველოს ორთოფოტო" პროექტის შედეგების პრეზენტაცია გაიმართა

"რუკები საქართველოს მდგრადი განვითარებისთვის –საქართველოს ორთოფოტო" პროექტის შედეგების პრეზენტაცია გაიმართა

საჯარო რეესტრის ეროვნულმა სააგენტომ "რუკები საქართველოს მდგრადი განვითარებისთვის – საქართველოს ორთოფოტო" პროექტის პირველი ეტაპის შედეგების პრეზენტაცია გამართა.

შეხვედრა საჯარო რეესტრის თავმჯდომარის მოვალეობის შემსრულებელმა ივანე ცარციძემ და ნორვეგიის კარტოგრაფიის ორგანოს დირექტორმა ჰელგე ონსრუდმა გახსნეს. მათ სხვადასხვა სახელმწიფო უწყებისა და უმაღლესი საგანმანათლებლო დაწესებულებების წარმომადგენლებს პროექტის შედეგად მოპოვებული მნიშვნელოვანი საბაზისო გეოგრაფიული მონაცემები, მათ შორის, უახლესი ორთოფოტოები და რელიეფის ციფრული მოდელი გააცნეს.

ღონისძიებაზე პოტენციური მომხმარებლების, მათ შორის, სახელმწიფო უწყებების მიერ პროექტის შედეგად მოპოვებული გეოგრაფიული მონაცემების გამოყენების საკითხზეც გაიმართა მსჯელობა.

"საჯარო რეესტრის ეროვნული სააგენტო ნორვეგიის მთავრობის დახმარებით, საქართველოსთვის მნიშვნელოვან პროექტს ახორციელებს. პროექტი საქართველოს მთელი ტერიტორიის საბაზისო გეოგრაფიული მონაცემების შექმნას ითვალისწინებს. დღეს უკვე ხელთ გვაქვს მაღალი ხარისხის ორთოფოტოგეგმები, რაც, გარდა უშუალოდ სააგენტოს საჭიროებებისა მიწის რეგისტრაციისა თუ კადასტრის მიმართულებით, ყველა აქ წარმოდგენილი უწყებებისთვისაც ასევე მნიშვნელოვანია საქმიანობის დასაგეგმად, რისკების შესაფასებლად და ინფორმირებული გადაწყვეტილებების მისაღებად,"– აღნიშნა ივანე ცარციძემ.

ნორვეგიის კარტოგრაფიის ორგანოს დირექტორის ჰელგე ონსრუდის განცხადებით, საჯარო რეესტრსა და ნორვეგიის მთავრობას შორის თანამშრომლობა გრძელდება და პროექტის მომდევნო ეტაპი იმავე ტერიტორიული არეალებისთვის მაღალხარისხიანი ციფრული ვექტორული რუკების შექმნას ითვალისწინებს.

„ნორვეგიის მთავრობამ გამოყო გრანტი საქართველოსთვის, რათა ეწარმოებინა მაღალი რეზოლუციის მქონე ორთოფოტოები 40 000 კვმ კილომეტრისთვის. ამ პროექტის ფარგლებში წარმოებული ორთოფოტოების აეროგამოსახულებები გამოყენება შესაძლებელია ძალიან ბევრი მიმართულებით, მათ შორის მიწის რეგისტრაციისთვის, სამშენებლო სამუშაოებისთვის, ასევე ვექტორული რუკების შესაქმნელად. ჩვენმა მთავრობამ ასევე, გამოყო ახალი გრანტი, რომლითაც უკვე შესაძლებელი ხდება ახალი მაღალხარისხიანი ციფრული ვექტორულ რუკების შექმნა იმავე არეალებისთვის’, - აღნიშნა ჰელგე ონსრუდმა.

ნორვეგიის მთავრობის მიერ დაფინანსებული პროექტი „რუკები მიწის მდგრადი მართვისთვის: საქართველო ორთოფოტო“ ფარგლებში 2016-2017 წლებში საქართველოს ტერიტორიის 40000 კვ.კმ.-ის გადაღება განხორციელდა და მათ საფუძველზე მაღალი რეზოლუციის (20 სმ.) ორთოფოტოები და რელიეფის ციფრული მოდელი (DTM) შემუშავდა.

პროკურატურამ "ომეგა ჯგუფის" საქმეზე ვანო ჩხარტიშვილი გამოკითხა

პროკურატურამ "ომეგა ჯგუფის" საქმეზე ვანო ჩხარტიშვილი გამოკითხა

14 საათის წინ

შეგახსნებთ, 2018 წლის 19 სექტემბერს "რუსთავი 2"-ზე გავიდა სიუჟეტი, "სიგარეტის ბაზრის გახლეჩვა" - "კურიერმა" ხელისუფლების რეკეტის დოკუმენტური დადასტურება, ე.წ. წესდება მოიპოვა", სადაც საუბარია იმაზე, რომ "კურიერმა" მოიპოვა წესდება, რომლის...

USD 2.6184
EUR 3.0798
GBP 3.4445
TRY 0.4273