ყაზბეგსა და ქუთაისის აეროპორტში არადეკლარირებული ოქროსა და ვერცხლის  ნაკეთობები აღმოაჩინეს

ყაზბეგსა და ქუთაისის აეროპორტში არადეკლარირებული ოქროსა და ვერცხლის ნაკეთობები აღმოაჩინეს

8 ივნისს, საბაჟო გამშვებ პუნქტში „ყაზბეგი“, ფინანსთა სამინისტროს შემოსავლების სამსახურის მებაჟე ოფიცრებმა, ოქროსა და ვერცხლის ნაკეთობების ქვეყანაში კანონდარღვევით შემოტანის ფაქტი გამოავლინეს.

კერძოდ, რუსეთის ფედერაციის მოქალაქეს ზ.ნ-ს, 4,743.67 ლარის ღირებულების, არადეკლარირებული ოქროსა (წონა 63 გრამი) და ვერცხლის (წონა 814 გრამი) ნაკეთობები, ფიზიკური დათვალიერების შედეგად აღმოაჩნდა.

საქართველოს საგადასახადო კოდექსის 289-ე მუხლის მე-10 ნაწილის მიხედვით, კანონდამრღვევ მოქალაქეს, სანქციის სახით,ფულადი ჯარიმა, 4,743.67 ლარის ოდენობით შეეფარდა.

არადეკლარირებული ოქროსა და ვერცხლის ნაკეთობების, ქვეყნის საზღვარზე უკანონოდ შემოტანის, კიდევ ერთი ფაქტი დაფიქსირდა, 9 ივნისს, საბაჟო გამშვებ პუნქტში ,,ქუთაისის აეროპორტი“. ფინანსთა სამინისტროს შემოსავლების სამსახურის მებაჟე ოფიცრებმა, ეჭვის საფუძველზე, საქართველოს მოქალაქის კ.კ-ს, კუთვნილი ბარგის დათვალიერებისას, არადეკლარორებული ოქროს (101.92 გრამი) ვერცხლისა (19.3 გრამი) და პლატინის (7.1 გრამი) ნაკეთობები, ასევე, ოქროს მონეტა (7.97 გრამი) და ბიჟუტერია (9.06 გრამი) აღმოაჩინეს. არადეკლარირებული საქონლის (საერთო წონა 145.35 გრამი) საბაჟო ღირებულებამ 12,624.80 ლარი შეადგინა.

საქართველოს საგადასახადო კოდექსის 289-ე მუხლის მე-10 ნაწილის შესაბამისად, კანონდამრღვევ მოქალაქეს, სანქციის სახით,ფულადი ჯარიმა,
12,624.80 ლარის ოდენობით შეეფარდა.

ამის შესახებ ინფორმაციას ფინანსთა სამინისტროს შემოსავლების სამსახური ავრცელებს.

მეუფე შიოს თქმით, ადამიანს, რომელიც სოციალურ ქსელში ზიზღს სთესს, ღმერთი თხოვნას არ შეუსრულებს

მეუფე შიოს თქმით, ადამიანს, რომელიც სოციალურ ქსელში ზიზღს სთესს, ღმერთი თხოვნას არ შეუსრულებს

4 საათის წინ

"დიდი სიყვარული, ღრმა სარწმუნოება, დიდი სიმდაბლე და საკუთარი უღირსების შეგრძნება, ეს არის საწინდარი იმისა, რომ ღმერთმა ჩვენი თხოვნა შეგვისრულოს. ჩვენთან ხშირად არის მიღებული, წადი მოიარე 12 ეკლესია ან ფეხშიშველი სადღაც იმოგზაურე, ან რაღაც...

USD 2.4578
EUR 2.8597
GBP 3.2659
TRY 0.5207