ტრამპი ქართველ ხალხს პირველი დემოკრატიული რესპუბლიკის 100 წლის იუბილეს ულოცავს

ტრამპი ქართველ ხალხს პირველი დემოკრატიული რესპუბლიკის 100 წლის იუბილეს ულოცავს

ამერიკის შეერთებული შტატების პრეზიდენტი დონალდ ტრამპი საქართველოს პრემიერმინისტრ გიორგი კვირიკაშვილს და ქართველ ხალხს პირველი დემოკრატიული რესპუბლიკის 100 წლის იუბილეს ულოცავს. ინფორმაციას საქართველოს მთავრობის ადმინისტრაცია ავრცელებს.

"ძვირფასო ბატონო პრემიერ-მინისტრო!

პირადად თქვენ და ქართველ ხალხს გილოცავთ დამოუკიდებლობისა და პირველი რესპუბლიკის საუკუნოვან იუბილეს. საქართველო უძველესი და ულამაზესი ისტორიის მქონე შესანიშნავი ქვეყანაა. მას ბევრჯერ შეუტანია წვლილი დასავლურ კულტურაში - მათ შორის, მუსიკაში, არქიტექტურასა და კულინარიაში. 

თქვენი ჯარისკაცები გაბედულად იბრძვიან და თავს სწირავენ ჩვენს ჯარისკაცებთან ერთად ავღანეთსა და ერაყში.

ამერიკის შეერთებული შტატები განუხრელად უჭერს მხარს საქართველოს ევროატლანტიკურ მომავალს, ტერიტორიულ მთლიანობას და სუვერენიტეტს.
ჩვენს ორ დიდებულ ქვეყანას შორის პარტნიორობის გაღრმავების პირობებში ველი ჩვენი ერების კეთილდღეობისა და უსაფრთხოების უზრუნველყოფის შესაძლებლობათა გამოვლენასა და გამოყენებას", - ნათქვამია ამერიკის შეერთებული შტატების პრეზიდენტის მისალოც წერილში, რომელიც საქართველოს პრემიერ-მინისტრმა მიიღო.

ინაშვილი: ვინც რეჟიმის ნაწილი იყავით მოლაშვილის წამებაზე და სხვა დანაშაულებზე დაიკითხებით!

ინაშვილი: ვინც რეჟიმის ნაწილი იყავით მოლაშვილის წამებაზე და სხვა დანაშაულებზე დაიკითხებით!

39 წუთის წინ

მისი თქმით, პარლამენტში შეტანილი აქვთ რეზოლუციის პროექტი და ბიუროზე მომავალ ორშაბათს გავა. "ეს არის აბსოლუტურად წარმოუდგენელი რამ ქართველი ხალხისთვის, რაც იქ ხდება, იმიტომ რომ მწამებლები იძიებენ მკვლელობის საქმეს, ბოკერიაზე ვამბობ...

USD 2.4578
EUR 2.8597
GBP 3.2659
TRY 0.5207