კახა კალაძემ ბარათაშვილის ხიდის მიწისქვეშა გადასასვლელის სტრიტ-არტი დაათვალიერა

კახა კალაძემ ბარათაშვილის ხიდის მიწისქვეშა გადასასვლელის სტრიტ-არტი დაათვალიერა

დედაქალაქის მერმა კახა კალაძემ მერის მოადგილესთან სოფიო ხუნწარიასთან ერთად, ქუჩის ხელოვნების საერთაშორისო ფესტივალის ფარგლებში, ბარათაშვილის ხიდის მიმდებარე მიწისქვეშა გადასასვლელში სტრიტ-არტი დაათვალიერა.

კახა კალაძემ ქართველ და უცხოელ ახალგაზრდებს, რომლებმაც გადასასვლელის კედლების მოხატვაში მონაწილეობა მიიღეს, მადლობა გადაუხადა.

„ბარათაშვილის მიწისქვეშა გადასასვლელში კედლების მოხატვა დასრულდა. აქაურობა ძალიან ლამაზია. მიხარია, რომ პროცესში ახალგაზრდები ჩართული იყვნენ და ქალაქის გალამაზებაში მონაწილეობა მიიღეს. ეს, რა თქმა უნდა, არ არის ბოლო - ვაპირებთ, რომ ჩვენი ქალაქის სხვადასხვა უბნებში, ქუჩებში, სახლის კედლებზე ანალოგიური სამუშაოები განვახორციელოთ. ეს არის ხელოვნება და ძალიან მაღალი კვალიფიკაციით შესრულებული ნამუშევრებია.

ასევე, ჩამოსულები იყვნენ ჩვენი უცხოელი მეგობრები, ისინიც მუშაობდნენ და მათაც მინდა ძალიან დიდი მადლობა გადავუხადო. მისასალმებელია, რომ ახალგაზრდების ჩართულობა ქალაქის გალამაზებაში იგრძნობა“, - განაცხადა კახა კალაძემ.

ფესტივალი, რომელიც 2 ივნისს დაიწყო, თბილისის მერიის კულტურის, განათლების, სპორტისა და ახალგაზრდულ საქმეთა საქალაქო სამსახურის ორგანიზებით მიმდინარეობდა.

ფესტივალში, როგორც ქართველი, ასევე, უცხოელი, ახალგაზრდა მხატვრები მონაწილეობდნენ, რომლებმაც ბარათაშვილის ხიდის მიწისქვეშა გადასასვლელის საფეხმავლო სივრცის კედლები მოხატეს. მოხატვის სამუშაოებთან ერთად, სხვადასხვა სოციალური და კულტურული აქტივობებიც განხორციელდა.

პროექტის მიზანი იყო ბარათაშვილის ხიდის მიმდებარე ტერიტორიაზე არსებული მიწისქვეშა საფეხმავლო სივრცის იერსახის გამოსწორება /რეაბილიტაცია; ქუჩის ხელოვნების განვითარების ხელშეწყობა-პოპულარიზაცია; ქალაქში მცხოვრები ნიჭიერი ახალგაზრდების წარმოჩენისა და თვითრეალიზაციის ხელშეწყობა.


ქუჩის ხელოვნების საერთაშორისო ფესტივალი დღეს მუსიკალური პროგრამით დაიხურება.

კობახიძე: გრიგოლ ვაშაძე ომის მერე რუსულ პასპორტს ვერ შეელია და რუსეთი ჩემი ცხოვრების ნაწილიაო

კობახიძე: გრიგოლ ვაშაძე ომის მერე რუსულ პასპორტს ვერ შეელია და რუსეთი ჩემი ცხოვრების ნაწილიაო

10 საათის წინ

"დღეს არის რეალურად სულ 3 კანდიდატი ამ საარჩევნო მარათონში - ეს არის სალომე ზურაბიშვილი, ეს არის გრიგოლ ვაშაძე და დავით ბაქრაძე. ამ ორმა კანდიდატმა ერთად 27%-ზე მეტი არ უნდა აიღოს, წინააღმდეგ შემთხვევაში, ეს იქნება ძალიან მძიმე ჩვენი...

5 პოპულარული სიახლე
USD 2.6184
EUR 3.0798
GBP 3.4445
TRY 0.4273