ხელვაჩაურში ჯომარდობისას 4 დაღუპულიდან 3 ტურისტია, ხოლო ერთი ადგილობრივი

ხელვაჩაურში ჯომარდობისას 4 დაღუპულიდან 3 ტურისტია, ხოლო ერთი ადგილობრივი

  • iRegions.Ge
  • 08 ივნისი, 2018
  • 12:59
  • ადმინისტრატორი

ხელვაჩაურში სოფელ კირნათში ჰესის მიმდებარე ტერიტორიაზე 3 ტურისტი და ერთი ადგილობრივი ჯომარდობის დროს მდინარემ გაიტაცა. თვითმხილველები "აიპრესთან" ყვებიან, რომ ნავის ამობრუნება მოულოდნელად ადიდებულმა მდინარემ გამოიწვია. მათივე ინფორმაციით, წყლის ნაკადის მატება თურქეთის ტერიტორიაზე ჰიდროელექტრო სადგურის ჩამკეტი ჯებირის გახსნამ განაპირობა.

ადგილობრივების ნაწილი კი მეორე ვერსიაზე საუბრობს. მათი მტკიცებით ნავი ჰესის ქვეშ ჯებირს გამოედო, რამაც ნავის გადაბრუნება გამოიწვია.

ადგილობრივები ასევე, განმარტავენ, რომ ხშირია მდინარე ჭოროხზე ჯომარდობა, მსგავსი შემთხვევა კი მანამდე არასდროს დაფიქსირებულა.

ქართველი დაღუპული სოფელ კირნათის მკვიდრი მამუკა დიდმანიძეა. როგორც "აიპრესისთვის" გახდა ცნობილი ის ტურისტებს მდინარე ჭოროხზე ნავით ხშირად ასეირნებდა.

შემთხვევა დაახლოებით ერთი საათის წინ მოხდა. ცხედრები მდინარიდან მაშველებმა ადგილობრივებთან ერთად ამოიყვანეს. სამართალდამცავები შემთხვევის ადგილზე ამ დრომდე იმყოფებიან. ფაქტზე გამოძიება 116 მუხლით დაიეყო, რაც სიცოხლის გაუფრთხილებლობით მოსპობას გულისხმობს.

სეტყვამ გურჯაანის მუნიციპალიტეტის სოფლები მელაანი და ჩალაუბანი დააზარალა

სეტყვამ გურჯაანის მუნიციპალიტეტის სოფლები მელაანი და ჩალაუბანი დააზარალა

18 სექტემბერი, 2018

წინასწარი ინფორმაციით, დასეტყვილია ვენახები. გურჯაანის მუნიციპალიტეტის მერის, არჩილ ხანდამაშვილის ინფორმაციით, მერიის თანამშრომლები ვითარებას ადგილზე გაეცნობიან.ზარალის ოდენობა მოგვიანებით გახდება ცნობილი.

USD 2.6188
EUR 3.0593
GBP 3.4414
TRY 0.4088