კაკაბაძე: ეს ბრძოლა წავაგეთ?  თუ ერთად ვიქნებით სხვას მოვიგებთ! ბოლოს და ბოლოს 2 დღეში 17 მაისია!

კაკაბაძე: ეს ბრძოლა წავაგეთ? თუ ერთად ვიქნებით სხვას მოვიგებთ! ბოლოს და ბოლოს 2 დღეში 17 მაისია!

პუბლიცისტი ნინია კაკაბაძე რუსთაველის გამზირზე, პარლამენტის შენობის წინ გამართულ საპროტესტო აქციებს გამოეხმაურა და აღნიშნა, რომ ეს დღეები მისთვის გაცილებით მეტი იყო, ვიდრე ნარკოტიკების დეკრიმინალიზაცია.

როგორც კაკაბაძე facebook-ის პირად გვერდზე წერს, ხალხმა ბრძოლა წააგო, მაგრამ თუ საზოგადოება ერთად იქნება, სხვას მოიგებს. ნინია კაკაბაძე იხსენებს, რომ 17 მაისი ახლოვდება.

"მოკლედ არავინ ადანაშაულებს გუშინდელი აქციის ორგანიზატორებს და არც სისხლი სწყურია ვინმეს. პირიქით, მე გუშინ ვერ მივედი აქციაზე და ისე ვღელავდი რამე არ მომხდარიყო, ყველას ვუწერდი, თუ რამეა სახლში ვარ და ამოქანდითთქო. გმირობანას არავინ თამაშობს. მეც ძალიან მეშინია ამ ხალხის და არა თუ ფერადი ახალგაზრდების, მათი სისხლის დაღვრაც კი ძალიან არ მინდა. 

მხოლოდ ერთი მოკრძალებული თხოვნა მაქვს, ვიცოდეთ და გვახსოვდეს, რომ ამ ნეოფაშისტურ ძალას ჩვენს წინააღმდეგ იყენებს ხელისუფლება. ეს ძალა დღევანდელი ძალოვანების ერთერთი ქვედანაყოფია. გუშინ ჭავლმტყორცნი მანქანების შემოყვანა და სრული მობილიზაცია იყო იმ მასკარადის ნაწილი, რომელიც შემოგვთავაზეს. არ ვიცი სხვა რა უნდა ექნათ ამ ნეონაცისტებს რომ დაეშალათ?! არა ერთხელ გაარღვიეს კორდონი, იგინებოდნენ, აგინებდნენ პოლიციასაც და ხალხსაც, ისროდნენ მძმე საგნებს, იყვნენ ჰიპერ აგრესიულები. მოკლედ, იმ მანქანების რომ ჩვენ უფრო შეგვეშინდა, ვიდრე იმ ხალხს, ხომ ცხადია?! და იმათ არ შეეშინდათ, რადგან კარგად იციან, რომ საფრთხე არ არის.

მიტინგის დაშლის შემდეგ, პარლამენტის შენობის წინ მისული ექსტრემისტები ყვიროდნენ "დაინახოს ხალხმა, რომ საქართველო ჩვენ ვართ". ჰოდა დავინახოთ ჩვენც, რომ ეს მთავრობაც ისინი არიან.

ეს დღეები ჩემთვის იმაზე გაცილებით მეტი იყო, ვიდრე ნარკოტიკების დეკრიმინალიზაცია. ეს იყო ჩემთვის ბრძოლა თავისუფლებისთვის, თანასწორობისთვის, დემოკრატიისთვის და მომავლისთვის. ჰოდა, სამწუხაროდ ამ ბრძოლაში კიდევ ერთხელ დავმარცხდით. დავმარცხდით რადგან არ ვართ ისეთი ველურები, როგორც მეორე მხარეს მდგომნი.

და მაინც, ეს არ ნიშნავს, რომ ერთმანეთზე უნდა გვაბრაზდეთ, გავიბუტოთ, ფარ-ხმალი დავყაროთ. ეს ბრძოლა წავაგეთ? თუ ერთად ვიქნებით სხვას მოვიგებთ! ბოლოს და ბოლოს 2 დღეში. 17 მაისია! ",-წერს ნინია კაკაბაძე.

პრეზიდენტმა არჩილ ტატუნაშვილი სიკვდილის შემდეგ ღირსების ორდენით დააჯილდოვა

პრეზიდენტმა არჩილ ტატუნაშვილი სიკვდილის შემდეგ ღირსების ორდენით დააჯილდოვა

21 მაისი, 2018

საქართველოს პრეზიდენტმა გიორგი მარგველაშვილმა არჩილ ტატუნაშვილი ღირსების ორდენით დააჯილდოვა. "ის უზარმაზი ტკივილი, რომელიც თქვენთან ერთად განვიცადეთ არჩილ ტატუნაშვილის დაღუპვით, ცოტა მაინც შეგვიმსუბუქდება, როდესაც საქმე იქნება ბოლომდე...

USD 2.4805
EUR 2.9044
GBP 3.3087
TRY 0.5237