სეული-თბილისის მიმართულებით ჩარტერული ფრენები განხორციელდება

სეული-თბილისის მიმართულებით ჩარტერული ფრენები განხორციელდება

კორეის რესპუბლიკაში საქართველოს საელჩოსა და ქვეყნის წამყვან ავიაკომპანია “Korean Air”-თან აფილირებულ ტურისტულ სააგენტოს Hanjin Travel-ს შორის ბოლო თვეებში გატარებული სამუშაოებისა და მიღებული გადაწყვეტილების შედეგად, პირველად საქართველოსა და კორეის რესპუბლიკის ორმხრივი ურთიერთობების ისტორიაში, მიმდინარე წლის 17, 24 და 31 მაისს, შესრულდება პირდაპირი ჩარტერული რეისები სეული-თბილისის მიმართულებით. 

აღნიშნული პროექტის საშუალებით, საქართველოს 500-ზე მეტი კორეელი ტურისტი ეწვევა.

აღსანიშნავია, რომ ხსენებული რეისების განხორციელება საფუძველს ჩაუყრის კორეის რესპუბლიკისა და საქართველოს შორის სამომავლოდ პირდაპირი ფრენების რაოდენობის ზრდას და შესაძლო რეგულარული რეისების დანიშვნას, რომელიც თავის მხრივ ხელს შეუწყობს არა მხოლოდ ქვეყნებს შორის ტურიზმის სფეროს განვითარებას, არამედ ორმხრივი ეკონომიკური კავშირებისა და კერძო სექტორის წარმომადგენლებს შორის თანამშრომლობის გაღრმავებას.

17 მაისს, საინაუგურაციო რეისის აღსანიშნავად, სპეციალურად პირველი კორეელი ტურისტებისთვის თბილისის შოთა რუსთაველის სახელობის საერთაშორისო აეროპორტში მოეწყობა დახვედრის ღონისძიება, რომელშიც მონაწილეობას მიიღებენ საქართველოს სახელმწიფო უწყებების წარმომადგენლები და კორეის რესპუბლიკაში საქართველოს საგანგებო და სრულუფლებიანი ელჩი.​

ჩინეთის პრეზიდენტი ქართველ ხალხს საქართველოს დამოუკიდებლობის დღეს ულოცავს

ჩინეთის პრეზიდენტი ქართველ ხალხს საქართველოს დამოუკიდებლობის დღეს ულოცავს

51 წუთის წინ

"ჩინეთის მთავრობის, ჩინელი ხალხის და ჩემი სახელით მინდა გულწრფელად მოგილოცოთ საქართველოს დამოუკიდებლობის დღე და გადმოგცეთ საუკეთესო სურვილები თქვენ და მეგობარ ქართველ ხალხს. საქართველო ჩინეთის ტრადიციული მეგობარი და პარტნიორია. ბოლო...

USD 2.4491
EUR 2.8711
GBP 3.2710
TRY 0.5054