სააკაშვილი: გამიხარდებოდა აჭარის გათავისუფლების დღე ამ ველოსიპედით აჭარიდან მომელოცა, მაგრამ ეს დროც დადგება!

სააკაშვილი: გამიხარდებოდა აჭარის გათავისუფლების დღე ამ ველოსიპედით აჭარიდან მომელოცა, მაგრამ ეს დროც დადგება!

საქართველოს  ექსპრეზიდენტმა, მიხეილ სააკაშვილმა, საქართველოს ამსტერდამიდან აჭარის გათავისუფლების დღე მიულოცა. ამასთან, სააკაშვილი თავის ვიდეომიმართვაში საქართველოში არსებულ ვითარებაზე საუბრობს და აღნიშნავს, რომ  უახლოეს მომავალში მდგომარეობას უკეთესობისკენ შეცვლის.

"2004 წლის 6 მაისს, აჭარაში დასრულდა ფეოდალის ბოგინი, დამთავრდა სეპარატისტული გადახრა, ჩაიშალა მტრის გეგმები და გადაიდგა უმნიშვნელოვანესი ნაბიჯი საქართველოს ერთიანობისკენ. ეს გააკეთა აჭარის ჩვეულებრივმა, მაგრამ ძალიან განსაკუთრებულმა ხალხმა და მე უზომოდ მადლობელი ვარ თქვენი. ეს არის თქვენი დღესასწაული და სრულიად საქართველოს დღესასწაული.

რა თქმა უნდა, გამიხარდებოდა თქვენთვის მომელოცა არა ამსტერდამის ქუჩებიდან არამედ ბათუმის ბულვარიდან ამ ველოსიპედით, ან აჭარაში. არაუშავს, ეს დროც ძალიან მალე დადგება. მინდა გითხრათ, რომ მენატრება ის აღმშენებლობის ტემპი, როგორ დავდიოდით და ღამღამობითც ვამოწმებდით მშენებლობებს, ვამოწმებდით ჩვენს პროგრამებს, რომლებიც იყო განვითარების. სამწუხაროდ, ბევრი რაღაც გაგვიჩერეს, ბათუმში გაგვიჩერეს ამერიკულ-ტექნოლოგიური უნივერსიტეტი, რომელიც განსაკუთრებით მნიშვნელოვანი იყო ჩემთვის, რომ აჭარაში შენდებოდა და იქნებოდა ყველაზე მაღალი უმაღლესი განათლების მქონე დაწესებულება მთელს აღმოსავლეთ ევროპაში.

გაგვიჩერეს სოციალურად დაუცველთა სახლების მშენებლობა და ბევრი სხვა რამ, მაგრამ არაუშავს, ჩვენ დავასრულებთ ფეოდალის ბოგინს თბილისში, ისევე როგორც დავასრულეთ ფეოდალის ბოგინი აჭარაში. ჩვენ დავაბრუნებთ საქართველოს განვითარებას, ჩვენ დავუსვამთ წერტილს მევახშოკრატიას", - განაცხადა სააკაშვილმა თავის ვიდეომიმართვაში, რომელსაც "რუსთავი2" ავრცელებს. 

რაულ ხაჯიმბა: უნდა თუ არა ეს საქართველოს, მატარებლები აუცილებლად ივლიან

რაულ ხაჯიმბა: უნდა თუ არა ეს საქართველოს, მატარებლები აუცილებლად ივლიან

15 საათის წინ

"მატარებლები აუცილებლად ივლიან, უნდა თუ არა ეს საქართველოს. რკინიგზამ მუშაობა უნდა დაიწყოს. ახალი მდგომარეობა მოითხოვს, რომ აქტიურად ვითანამშრომლოთ ეკონომიკურ სფეროში კავკასიის რეგიონის სხვადასხვა ქვეყნებთან, მაგრამ საქართველო...

USD 2.5694
EUR 2.9242
GBP 3.2752
TRY 0.3726