16 აპრილიდან თბილისის საგუნდო მუსიკის მერვე ფესტივალი დაიწყება

16 აპრილიდან თბილისის საგუნდო მუსიკის მერვე ფესტივალი დაიწყება

16 აპრილიდან 12 მაისის ჩათვლით თბილისში საგუნდო მუსიკის მერვე ფესტივალი გაიმართება. ამის შესახებ პრესკონფერენციაზე გახდა ცნობილი, სადაც ორგანიზატორებმა ფესტივალის ფარგლებში დაგეგმილ ღონისძიებებზე და მონაწილე გუნდებზე ისაუბრეს. 

ფესტივალში 7 უცხოური და 23 ქართული საგუნდო კოლექტივი მონაწილეობს. 250 უცხოელი არტისტი თბილისს საფრანგეთიდან, პოლონეთიდან, ესტონეთიდან, გერმანიიდან და სხვა ქვეყნებიდან ეწვევა, ხოლო ფესტივალის მონაწილეთა საერთო რიცხვი დაახლოებით 900 ადამიანს შეადგენს.

საგუნდო მუსიკის ფესტივალი პირველად 2011 წელს ჩატარდა ეროვნული მუსიკალური ცენტრის ბაზაზე, ხოლო მიღწეული შედეგებისა და წარმატების შემდეგ, 2013 წელს თბილისის მერიის მიერ დაფუძნდა ააიპ „თბილისის საგუნდო მუსიკის ფესტივალი“.

ფესტივალის მიზანია ქართული საშემსრულებლო საგუნდო ტრადიციების შენარჩუნება და საგუნდო კოლექტივების ხელშეწყობა. ფესტივალის ერთ-ერთი მთავარი ამოცანაა, ასევე, ქართველი კომპოზიტორების საგუნდო ნაწარმოებების პოპულარიზაცია, რასაც მისი მზარდი საერთაშორისო მასშტაბიც უწყობს ხელს.

საფესტივალო კონცერტები ჩატარდება ეროვნული მუსიკალური ცენტრის, თბილისის სახელმწიფო კონსერვატორიის დიდ და მცირე, რუსთაველის სახელმწიფო თეატრის მცირე, უნივერსტიტეტის სააქტო დარბაზებში, ასევე, თბილისის მუზეუმში „ქარვასლაში“.

ფესტივალის საერთო ბიუჯეტი 83000 ლარია, აქედან მერიის დაფინანსება 60 000 ლარს შეადგენს. ფესტივალის სპონსორია საქართველოს კულტურისა და სპორტის სამინისტრო და ტურიზმის ეროვნული სააგენტო.


 

გიორგი დონაძე: ფოლკლორი ცოცხალი ორგანიზმია, მასზე ზრუნვა კი მუდმივი პროცესი

გიორგი დონაძე: ფოლკლორი ცოცხალი ორგანიზმია, მასზე ზრუნვა კი მუდმივი პროცესი

5 საათის წინ

ცენტრის ერთ-ერთ მთავარ მიმართულებად, კვლავინდებურად, სალოტბარო სკოლები რჩება, რომელიც უნიკალური ქართული სიმღერის გადარჩენასა და პოპულარიზაციას ემსახურება. ამჟამად, მთელ საქართველოში 21 სალოტბარო სკოლა ფუნქციონირებს, რომლებშიც 800-მდე...

USD 2.4546
EUR 2.8520
GBP 3.1981
TRY 0.5126