ჩემპიონთა ლიგა: დრამა "სანტიაგო ბერნაბეუზე" - "რეალი" ნახევარფინალში გაჭირვებით გავიდა

ჩემპიონთა ლიგა: დრამა "სანტიაგო ბერნაბეუზე" - "რეალი" ნახევარფინალში გაჭირვებით გავიდა

ჩემპიონთა ლიგის განმეორებით შეხვედრაში, მადრიდის "რეალსა" და "იუვენტუსს" შორის ლამის გუშინდელის მსგავსი სენსაცია დაფიქსირდა. 

პირველი დაპირისპირება ტურინელებს საკუთარ მოედანზე "რეალთან" 0:3 ჰქონდათ წაგებული, ამიტომ მხოლოდ ძალიან ოპტიმისტი გულშემატკივარი თუ იფიქრებდა, რომ დღეს იუვენტუსი სასწაულის ჩადენის წინაშე დადგებოდა.

მატჩის მეორე წუთზევე მაძუკიჩმა "იუვენტუსი" დააწინაურა. ეს უკვე ხმამაღალი განაცხადი იყო. პირველი ტაიმი იტალიელებმა მანძუკიჩის დუბლით 0:2 მოიგეს. "რეალი" გატყდა, მადრიდელებს მოედანზე არაფერი გამოსდიოდათ, ზიდანს არც შეცვლებმა გაუმართლეს, ამასობაში კი "იუვენტუსმა" მესამე ბურთიც გაიტანა და ყველაფერი იქეთ მიდიოდა, რომ შეხვედრა დამატებით დროში გადასულიყო, რომ არა დამატებულ დროში დანიშნული ძალიან საკამათო 11-მეტრიანი. ამასთან, მსაჯმა, მასთან კამათის გამო, ამ ეპიზოდთან არაფერ კავშირში მყოფი ბუფონი საერთოდ მოედნიდან გააძევა, შესნის კი რონალდომ აუღებელი დაურტყა - 1:3. 

რაც შეეხება მეორე წყვილს, "ბაიერნმა" თუკი გასვლაზე "სევილია" გაჭირვებით - 1:2 დაამარცხა, შინ საერთოდ ვერ შეძლო გატანა და ეს დაპირისპირება გატანილი გოლების გარეშე დასრულდა.

ჩემპიონთა ლიგის ნახევარფინალში "ლივერპული", "რომა", "რეალი" და "ბაიერნი" გავიდნენ. ნახევარფინალში გუნდები პარასკევს, ნიონში წილისყრაზე დაწყვილდებიან. 

ევროპის ლიგას თბილისის "დინამოც" ემშვიდობება

ევროპის ლიგას თბილისის "დინამოც" ემშვიდობება

8 საათის წინ

კახა კაჭარავას გუნდმა შეხვედრა სლოვაკური "დუნაისკა სტრედას" წინააღმდეგ აქტიურად დაიწყო და გოლის გატანის 100%-იანი შანსი მესამე წუთზევე ჰქონდა, თუმცა დინამოელებმა სასურველს მხოლოდ პირველი ტაიმის მიწურულს მიაღწიეს. ბუდუ ზივზივაძემ ანგარიში...

USD 2.4503
EUR 2.8433
GBP 3.1844
TRY 0.5072