თიბისი სტატუსის მხარდაჭერით ლევან სონღულაშვილის პერსონალური გამოფენა "სტიქსი" გაიხსნა

თიბისი სტატუსის მხარდაჭერით ლევან სონღულაშვილის პერსონალური გამოფენა "სტიქსი" გაიხსნა

თიბისი სტატუსის მხარდაჭერით, გალერეა "ერთი" ქართველი არტისტის, ლევან სონღულაშვილის პერსონალურ გამოფენას "სტიქსი" მასპინძლობს. ამის შესახებ ინფორმაციას თიბისი ბანკი ავრცელებს.

"სტიქსი" მულტიმედიური პროექტია, რომელიც ხელოვანის მიერ შექმნილ ფერწერულ ნამუშევრებს, ვიდეოსა და ინსტალაციას აერთიანებს. ბოლო წლების მანძილზე, ლევან სონღულაშვილი ისეთი ხელოვანების ტრადიციას იზიარებს, რომლებიც მედიტაციურ ცნობიერებას ასახავენ.

პროექტის სახელწოდება უკავშირდება მითოლოგიურ მდინარე სტიქსს, რომელიც რადიკალური ცვლილების სიმბოლოს წარმოადგენს და ხილულიდან უხილავ სამყაროში გადაჰყავს სულიერები. შესაბამისად, ექსპოზიცია დამთვალიერებლის ერთგვარი მოგზაურობაა საკუთარ ცნობიერსა და არაცნობიერს შორის.

გამოფენის კურატორია მსოფლიო არტ-სამყაროს ერთ-ერთი გავლენიანი ბრიტანელი კრიტიკოსი, მარკ გიზბურნი, რომელიც საქართველოში სპეციალურად პროექტის პრეზენტაციისთვის ჩამოვიდა. საქართველოში ლევან სონღულაშვილის პერსონალურ გამოფენას წინ უძღოდა  ბერლინში, გალერეა კონფელდში (Galierie Kornfeld) მისი ნამუშევრების წარდგენა, რომელიც ახლაც გამოფენილია საგამოფენო სივრცეში.

ლევან სონღულაშვილის ნამუშევრები სხვადასხვა დროს გამოიფინა ევროპისა და ამერიკის  ცნობილ საგამოფენო სივრცეებში. მისი სამი ფერწერული ტილო წარმატებით გაიყიდა სოტბის აუქციონზე. ლევანს არაერთი საერთაშორისო აღიარება აქვს მიღებული. 2017 წელს, ქართველი არტისტი აშშ-მ ექსტრაორდინარულ ხელოვანად აღიარა და მწვანე ბარათით დააჯილდოვა. გასულ წელს მეტროპოლიტენ ხელოვნების მუზეუმში ლევან სონღულაშვილის ნამუშევარი 1000-ზე მეტ ნამუშევარს შორის დასახელდა ხალხის რჩეულად. ქართველი არტისტის პერსონალურ გამოფენას  გალერეა „ერთი“ 22 მაისამდე უმასპინძლებს.

ლონდონელმა მსახიობმა ფოთის თეატრების საერთაშორისო ფესტივალში მონაწილეობაზე უარი განაცხადა

ლონდონელმა მსახიობმა ფოთის თეატრების საერთაშორისო ფესტივალში მონაწილეობაზე უარი განაცხადა

22 ივლისი, 2018

ფოთის რეგიონული თეტრების მე-4 საერთაშორისო ფესტივალი სპექტაკლით "მედეა, გაძევებული" უნდა გახსნილიყო, თუმცა ორგანიზატორების ინფორმაციით, ლონდონელმა მსახიობმა დაუდგენელი მიზეზით, გამგზავრებამდე რამდენიმე საათით ადრე, ფესტივალში...

USD 2.4417
EUR 2.8436
GBP 3.1813
TRY 0.5080