ტყიბულში, მინდელის სახელობის შახტაში ჭერის ჩამოშლას 6 ადამიანი ემსხვერპლა, არიან დაშავებულები

ტყიბულში, მინდელის სახელობის შახტაში ჭერის ჩამოშლას 6 ადამიანი ემსხვერპლა, არიან დაშავებულები

  • iRegions.Ge
  • 05 აპრილი, 2018
  • 06:31
  • ადმინისტრატორი

ტყიბულში, მინდელის სახელობის შახტაში ჭერის ჩამოშლას 6 ადამიანი ემსხვერპლა, დაშავებულია სამი ადამიანი, რომლებიც ამ დროისთვის საავადმყოფოში არიან გადაყვანილი. ინფორმაციას შინაგან საქმეთა სამინისტრო ავრცელებს.  

"მიმდინარე წლის 5 აპრილს, გამთენიისას, „112“-ში შევიდა შეტყობინება, რომ ქალაქ ტყიბულში, მინდელის სახელობის შახტის N1 უბანში რამდენიმე ადამიანმა სხეულის დაზიანება მიიღო.
შეტყობინების მიღებისთანავე, შემთხვევის ადგილზე მყისიერად გამოცხადდნენ სამართალდამცველები და სასწრაფო სამედიცინო დახმარების ბრიგადები.
გამოძიების პირველადი ინფორმაციით, შახტის ერთ-ერთ გვირაბში მოხდა კედლების დეფორმაცია, რასაც ჭერის ჩამოშლის მოჰყვა. ჩამონგრევის დროს, ამავე შახტაში მყოფმა სამთო ოსტატმა - 1963 წელს დაბადებულმა გ. ნ.-მ, სამთო მუშებმა: 1981 წელს დაბადებულმა ი. კ.-მ და 1963 წელს დაბადებულმა მ. ა.-მ ჯანმრთელობის დაზიანებები მიიღეს. ისინი ამ დროისთვის საავადმყოფოში არიან გადაყვანილი. შემთხვევის შედეგად, სხეულის მძიმე დაზიანებები მიიღეს ამავე შახტის მიწისქვეშა სამთო ოსტატმა: 1972 წელს დაბადებულმა მ. ქ.-მ, ოსტატ-ამფეთქებელმა - 1968 წელს დაბადებულმა ბ. გ.-მ, სამთო მუშებმა - 1992 წელს დაბადებულმა პ. გ.-მ, 1959 წელს დაბადებულმა გ. რ.-მ, 1990 წელს დაბადებულმა გ.ბ.-მ და 1966 წელს დაბადებულმა ე.ბ-მ. ყველა მათგანი, მიღებული დაზიანებების შედეგად, გარდაიცვალნენ. ამ დროისთვის, მიმდინარეობს შემთხვევის ადგილზე მყოფი მუშების უსაფრთხო ადგილზე გადაყვანა.

მომხდარ ფაქტთან დაკავშირებით გამოძიება დაიწყო საქართველოს სსკ-ს 240-ე მუხლის მეორე ნაწილით, რაც სამთო, სამშენებლო ან სხვა სამუშაოების წარმოებისას უსაფრთხოების წესების დარღვევას გულისხმობს. დანაშაული 5 წლამდე თავისუფლების აღკვეთას ითვალისწინებს",-ნათქვამია უწყების მიერ გავრცელებულ ინფორმაციაში. 

წყალტუბოშუ ჩატარებული გამოკითხვის შედეგების გაცნობა ხვალ, 16:00 საათზე, მოხდება

წყალტუბოშუ ჩატარებული გამოკითხვის შედეგების გაცნობა ხვალ, 16:00 საათზე, მოხდება

6 საათის წინ

სამოქალაქო ბიუჯეტის პროგრამა აქტიურ ფაზაში შევიდა. ქალაქ წყალტუბოს ტერიტორიაზე დასრულდა გამოკითხვა, რომელიც მოქალაქეების ინტერესებსა და პრიორიტეტებს გამოავლენს. გამოკითხვის შედეგების გაცნობა ადგილობრივი თვითმმართველობის...

USD 2.4478
EUR 2.8458
GBP 3.2115
TRY 0.5040