მამა მიქაელი: გარკვეული ძალები ცდილობენ ეკლესია ჩართონ და გამოიყენონ პოლიტიკურ თამაშებში

მამა მიქაელი: გარკვეული ძალები ცდილობენ ეკლესია ჩართონ და გამოიყენონ პოლიტიკურ თამაშებში

საქართველოს კათოლიკოს-პატრიარქის ილია მეორეს მდივანმა მამა მიქაელ ბოტკოველმა დღეს საზოგადოებს საქართველოს საპატრიარქოს განცხადება გააცნო, რომელსაც "აიპრესი" უცვლელად გთავაზობთ.

"არაერთხელ აღგვინიშნავს, რომ ეკლესიის წინააღმდეგ ბრძოლა ყოველთვის მიმდინარეობდა და მიმდინარეობს, მაგრამ ბოლო პერიოდის მოვლენებმა აჩვენა, რომ პროცესები მიზანმიმართულ მწვავე სახეს იღებს, რისი გამოვლინებაცაა თუნდაც 25 მილიონის და ჯიპების თემა, საარჩევნო კამპანიის მთელი პერიოდის მანძილზე რესპუბლიკური პარტიის მიერ გაკეთებული განცხადებები და, რა თქმა უნდა, ,,ციანიდის საქმეც”.

რატომ ხდება ეს?

გარკვეული ძალებისთვის ყოვლად მიუღებელია ჩვენი ეკლესიის და კათოლიკოს-პატრიარქის მაღალი ავტორიტეტი და რეიტინგი;

მათთვის ასევე მიუღებელია, რომ ეკლესია იცავს ოჯახის სიწმინდეს, ქვეყნის ტერიტორიულ მთლიანობას, ეროვნულ და ტრადიციულ ღირებულებებს, ზრუნავს მომავალი თაობის სწორად აღზრდისთვის; მიუღებელია, რომ ეკლესია ეწინააღმდეგება ,,ელგებეტე” პირთა ცხოვრების წესის ნორმად გამოცხადებას, პროტესტს უცხადებს ნარკოლიბერალიზაციის არასწორ, სახიფათო ფორმებს და აზარტული თამაშების პროპაგანდას; რომ იგი იღვწის, წმინდა მამათა მიერ დადგენილ კანონთა შესაბამისად, მართმადიდებლური სწავლების დაცვისთვის…. და ა.შ.

მეტად მნიშვნელოვანია ისიც, რომ დიდია მცდელობა იმისა, ეკლესია ჩართონ და გამოიყენონ პოლიტიკურ თამაშებში.

როგორც ჩანს, აქამდე განხორციელებულმა ქმედებებმა ზოგიერთისთვის სასურველი შედეგი მაინც ვერ გამოიღო და ამიტომაც, ჩვენი ინფორმაციით, იგეგმება დისკრედიტაციის ახალი ტალღის აგორება და არ არის გამორიცხული, რომ ბინძური კამპანიის წარმოება განხორციელდეს უმაღლესი იერარქის მიმართაც და ამაში სასულიერო პირებიც იქნან გამოყენებულნი.

მივმართავთ ყველას, ვისაც გული შესტკივა ქვეყნისა და ეკლესიისათვის, გამოიჩინონ კეთილგონიერება, არ აყვნენ ცილისწამებებს, პროვოკაციებსა და მიზანმიმართულ ბოროტ ქმედებებს.

ვფიქრობთ, მალე გაირკვევა, სინამდვილეში ვის რა მიზანი ამოძრავებს და ეს, რას ემსახურება.

საქართველოს მართმადიდებელი ეკლესია კი, უფლის მადლით, იყო, არის და იქნება ღვთისა და ერის სამსახურში და, მიუხედავად დიდი ზეწოლისა, ქვეყნისა და ხალხისთვის მნიშვნელოვან საკითხებზე ზრუნვას არასოდეს შეწყვეტს; განხორციელებული შემოტევები კი მას უფრო განამტკიცებს და გააძლიერებს.

ღმერთმა დაგლოცოთ", -ნათქვამია საპატრიარქოს განცხადებაში.

მეუფე ანდრეას განმარტებით, მოსაყდრე შემცვლელი, ან მემკვიდრე არაა და ამის დაზუსტება მოხდა

მეუფე ანდრეას განმარტებით, მოსაყდრე შემცვლელი, ან მემკვიდრე არაა და ამის დაზუსტება მოხდა

13 წუთის წინ

"გუშინ სინოდმა იმსჯელა და ეს იყო დაზუსტება სახელდებისა. ყოვლადუსამღვდელოესი, სენაკისა და ჩხოროწყუს მიტროპოლიტის, მეუფე შიოს ამჟამინდელი მდგომარეობის. ის რამდენიმე თვის წინ იქნა გამოცხადებული პატრიარქის მესაყდრედ. იქნა დაზუსტებული, რომ ის...

USD 2.4579
EUR 2.8357
GBP 3.2267
TRY 0.5167