104 წლის ბებო, რომელიც დღემდე ინახავს თავისი მზითევიდან შემორჩენილ ფახირის გუგუმს

104 წლის ბებო, რომელიც დღემდე ინახავს თავისი მზითევიდან შემორჩენილ ფახირის გუგუმს

შუახევში მცხოვრები ზექიე დავითაძე 104 წლისაა და მას 2 შვილი, 8 შვილიშვილი, 16 შვილთაშვილი და 2 შვითაშვილის შვილი ყავს.

უხუცესი ქალბატონი წარმოშობით, ხულოს მუნიციპალიტეტის, ღორჯომის ხეობის სოფელ ჭახაურიდანაა. მისივე თქმით, ადრე გათხოვილა და დღესაც ინახავს თავისი მზითევიდან შემორჩენილ ფახირის გუგუმს (წყლის სპილენძის ჭურჭელი). 104 წლის ქალბატონი ყოველი წლის ზაფხულში მერიაყელის მთაში მემთეურის დამხმარედ დადის და ოჯახის წევრებს ეხმარება საქმეში.

საკუთარ ასაკთან შედარებით, უხუცესი ქალბატონი ჯანმრთელობასთან დაკავშირებულ პრობლემებს არ უჩივის და მხნედ გამოიყურება. შუახევის მუნიციპალიტეტის ინფორმაციით, მერმა ფრიდონ ფუტკარაძემ საკრებულოს თავმჯდომარე გიორგი დავითაძესთან და სხვა ხელმძღვანელ პირებთან ერთად ნაღვარევში, 104 წლის ზექიე დავითაძე ოჯახში მოინახულა და უხუცეს ქალბატონს ჯანმრთელობა, მხნეობა და დიდხანს სიცოცხლე უსურვა.

"ქალბატონ ზექიეს მინდა ვუსურვო ჯანმრთელობა, დიდხანს სიცოცხლე, შვილების, შვილიშვილების და შვილთაშვილების კარგად ყოფნა. ამასთანავე, ყველას ვუსურვებ, საუკუნეს გადააბიჯოს და ისევე მხნედ გამოიყურებოდეს, როგორც ქალბატონი ზექიე" - აღნიშნა ფრიდონ ფუტკარაძემ.

დედაქალაქის მერი მოქალაქეებს სპორტულ მარათონში ჩართულობისკენ მოუწოდებს

დედაქალაქის მერი მოქალაქეებს სპორტულ მარათონში ჩართულობისკენ მოუწოდებს

1 საათის წინ

„კვირას, თბილისის მერიის ინიციატივით, პირველად გაიმართება მარათონი- „თბილისი“, რომელიც ემსახურება ქალაქში ჯანსაღი ცხოვრების წესის პოპულარიზაციას და მასობრივ სპორტში მოქალაქეთა ჩართვას. მოვუწოდებ ყველას, მათ შორის სპორტსმენებს, ბიზნეს...

USD 2.4561
EUR 2.8363
GBP 3.2330
TRY 0.5151