შავი წინდა დედამთილისთვის, თეთრი კი სიძისთვის - ნიშნობის ტრადიცია მაღალმთიან აჭარაში

შავი წინდა დედამთილისთვის, თეთრი კი სიძისთვის - ნიშნობის ტრადიცია მაღალმთიან აჭარაში

შავი წინდა დედამთილისთვის, თეთრი-შავში მამამთილისთვის, ფერადი მულისთვის, თეთრი კი სიძისთვის - ეს ის მცირე ჩამონათვალია, რაც მაღალმთიან აჭარაში გოგოს გათხოვებისას ოჯახი მზითვში გაატანს. "აიპრესი" ხულოში მცხოვრება იმ ქალბატონებს ესაუბრა და მათი ტრადიციები მოისმინა, ვინც გოგო გაათხოვა, ასევე იმ ქალბატონებსაც ვინც საპატარძლოსთვის წინდებს უკვე ამზადებს. 

ხულოს მუნიციპალიტეტში წინდის ქსოვა თითქმის ყველა ქალმა იცის, აღნიშნული წინდაც ყველა იმ ოჯახში ინახება სადაც გოგო იზრდება, რადგან წინდის მზითვში გატანება ერთგვარი ტრადიციაა. თუმცა გოგოს ოჯახი მხოლოდ წინდით არ შემოიფარგლება, პატარძალს ასევე ატანებენ: საძინებელს, კედლის კარადას, საყოფაცხოვრებო ნივთებს, ხალიჩას და კიდევ სხვა ბევრ რამეს. 

დალი ნათიძეს წინდები უკვე მზად აქვს, მან საპატარძლოს მულებისა და მულიშვილებისთვის წინდებთან ერთად ჟაკეტებიც მოქსოვა, როგორც თავად გვიყვება ეს ხულოში ტრადიციაა და როდესაც გოგოს ოჯახში სიძის მხრიდან სტუმარი მიდის, დანიშნულმა სწორედ მაშინ უნდა აჩუქოს წინდები მათ. 

თუმცა არანაკლები ვალდებულებები გააჩნია სიძის ოჯახს. იმისთვის, რომ გაიგონ სიძე თუ რამდენად შეძლებული ოჯახიდანაა ამას გოგოსთვის, სიძის ნაჩუქარი ოქროს სამკაულები განსაზღვრავს. როგორც ხულოში მცხოვრები თამარა ნათიძე "აიპრესთან“ ყვება იმისთვის, რომ სიძემ საპატარძლოს მხრიდან შექება და მოწონება დაიმსახუროს მინიმუმ 70 გრამი ოქრო უნდა აჩუქოს თავის დანიშნულს.

მისივე თქმით, რაც უფრო მეტ ოქროს აჩუქებს სიძე, მით უფრო შეძლებული ოჯახიდანაა. თამარა ნათიძე იმასაც აღნიშნავს, რომ თავდაპირველად უფრო მეტი ყურადღება გოგოს გათხოვების დროს ბიჭის კარ-მიდამოსაც ექცოდა, თუმცა დღეს უფრო პრიორიტეტული სწავლა გახდა. 

ხულოში ნიშნობის დროს "შარბათის" ცერემონიალზეც საუბრობენ. როგორც თამარა ნათიძე გვიყვება შარბათს ანუ შაქრიან წყალს, განსაკუთრებული დატვირთვა აქვს. როდესაც ნიშნობის ცერემონიალი ტარდება გოგოს მხრიდან ვინმემ, პატარძლის ახლობელმა ან თავად პატარძალმა შარბათი უნდა შეიტანოს და დაალევინოს ყველას, ეს სიტკბოსა და კეთილი დამოკიდებულების ნიშანია. ხშირ შემთხვევაში უკვე ცარიელ ჭიქაში, ფულს ან პატარძლისთვის განკუთვნილს საჩუქარს (ოქროს სამკაულს) დებენ და ჭიქას უკან ისე აბრუნებენ.

დღეს ბათუმის მერმა ბარცხანისა და თამარის დასახლებებში წყალარინების სატუმბი სადგურების მშენებლობა დაათვალიერა

დღეს ბათუმის მერმა ბარცხანისა და თამარის დასახლებებში წყალარინების სატუმბი სადგურების მშენებლობა დაათვალიერა

14 საათის წინ

"ბარცხანისა და თამარის დასახლებებში წყალარინების ცენტრალური სისტემა ათეული წლების განმავლობაში არ მოწესრიგებულა. შესაბამისად ეს უბნები საჭიროებდა წყალარინების სისტემის სრულ რეაბილიტაციასა და მშენებლობას. ეს ორი უმთავრესი პროექტი...

5 პოპულარული სიახლე
USD 2.4561
EUR 2.8363
GBP 3.2330
TRY 0.5151