მიხეილ სააკაშვილი: მზად ვარ, გამომძიებელი კარავში მივიღო

ადმინისტრატორი

პარტია "ახალი ძალების მოძრაობის" ლიდერი მიხეილ სააკაშვილი მზად არის, გამომძიებელი კარავში მიიღოს. როგორც მან უკრაინაში მხარდამჭერებისადმი საგანგებო მიმართვისას განაცხადა, უკრაინის გენერალური პროკურორი, იური ლუცენკო გაუნათლებელია და მას იურისდიქციაში არაფერი გაეგება. 

"დილით კვლავ სცადეს პროვოკაციის მოწყობა და ჩემს კარავში შემოსვლა, მაგრამ სამწუხაროდ, ეს ხალხი დაზარალდა. გუშინ ლუცენკომ თავხედურად მოიტყუა, მათ შორის ჩემს სტატუსზეც. დეპუტატების წინააღმდეგ საქმე აღძრეს, თითქოს ისინი კანონის წინააღმდეგ მოქმედებდნენ.

ლუცენკო გაუნათლებელია, იურისპრუდენციაში არაფერი გაეგება და ნაცნობობით გახდა გენერალური პროკურორი. არაფერი იცის სამართალმცოდნეობაზე, ამიტომ მინდა განვაცხადო, მას გენერალურ პროკურორად არ მივიჩნევ. არ აქვს არც ღირსება. მზად ვარ, აქ კარავში მივიღო გამომძიებელი",-განაცხადა სააკაშვილმა. 

ცნობისთვის, 5 დეკემბერს სააკაშვილის ბინაში უკრაინის უსაფრთხოების სამსახურმა გენერალურ პროკურატურასთან ერთად საგამოძიებო მოქმედებები განახორციელა, ხოლო თავად მიხეილ სააკაშვილი დააკავა. დაკავებისა და პოლიტიკოსის მიკროავტობუსში მოთავსების შემდეგ, ვითარება დაიძაბა და სააკაშვილის მომხრეებსა და უკრაინის უსაფრთხოების სამსახურის სპეცრაზმს შორის დაპირისპირება დაიწყო. რამდენიმე საათში მათ სააკაშვილის გათავისუფლება მოახერხეს და რადას შენობისკენ დაიძრნენ.

სააკაშვილს ბრალად დანაშაულებრივი დაჯგუფებების ხელშეწყობა და მათი დაფარვა ედება. უკრაინის გენერალურმა პროკურორმა იური ლუცენკომ სააკაშვილს ნებაყოფლობით ჩაბარებისათვის 24 საათი მისცა. ამ ეტაპზე მიხეილ სააკაშვილი და მისი მომხრეები რადას შენობასთან საპროტესტო გამოსვლებს აგრძელებენ.

მსგავსი სიახლეები
15 თებერვალი ბავშვთა კიბოს საერთაშორისო დღე

15 თებერვალი ბავშვთა კიბოს საერთაშორისო დღე

14 თებერვალი, 2018

15 თებერვალი ბავშვთა ონკოლოგიური დაავადებების მსოფლიო დღეა. ეს არის დღე, რომელიც გვახსენებს გლობალური აქტივობების საჭიროებებს საზოგადოებრივი ჯანდაცვის ამ მნიშვნელოვანი გამოწვევის წინააღმდეგ, როცა ადგილობრივმა და...

მეტი

წნორში სოციალურმა საწარმომ სიყვარულის დღესთან დაკავშირებით მოხუც წყვილებს უმასპინძლა

წნორში სოციალურმა საწარმომ სიყვარულის დღესთან დაკავშირებით მოხუც წყვილებს უმასპინძლა

14 თებერვალი, 2018

„ცოდნის კაფეს“ წარმომადგენლებმა ხუთი მოხუცი წყვილი წნორიდან, ასევე სოფლებიდან ვაქირიდან და ქვემო მაჩხაანიდან კაფეში მიიწვიეს, სადაც მათ რომანტიული გარემო და ვალენტინობისთვის მომზადებული ვახშამი...

მეტი

მიხეილ სააკაშვილი: მზად ვარ, გამომძიებელი კარავში მივიღო

მიხეილ სააკაშვილი: მზად ვარ, გამომძიებელი კარავში მივიღო
12:12 | 6 დეკემბერი, 2017

"დილით კვლავ სცადეს პროვოკაციის მოწყობა და ჩემს კარავში შემოსვლა, მაგრამ სამწუხაროდ, ეს ხალხი დაზარალდა. გუშინ ლუცენკომ თავხედურად მოიტყუა, მათ შორის ჩემს სტატუსზეც. დეპუტატების წინააღმდეგ საქმე აღძრეს, თითქოს ისინი კანონის წინააღმდეგ მოქმედებდნენ.

ლუცენკო გაუნათლებელია, იურისპრუდენციაში არაფერი გაეგება და ნაცნობობით გახდა გენერალური პროკურორი. არაფერი იცის სამართალმცოდნეობაზე, ამიტომ მინდა განვაცხადო, მას გენერალურ პროკურორად არ მივიჩნევ. არ აქვს არც ღირსება. მზად ვარ, აქ კარავში მივიღო გამომძიებელი",-განაცხადა სააკაშვილმა. 

ცნობისთვის, 5 დეკემბერს სააკაშვილის ბინაში უკრაინის უსაფრთხოების სამსახურმა გენერალურ პროკურატურასთან ერთად საგამოძიებო მოქმედებები განახორციელა, ხოლო თავად მიხეილ სააკაშვილი დააკავა. დაკავებისა და პოლიტიკოსის მიკროავტობუსში მოთავსების შემდეგ, ვითარება დაიძაბა და სააკაშვილის მომხრეებსა და უკრაინის უსაფრთხოების სამსახურის სპეცრაზმს შორის დაპირისპირება დაიწყო. რამდენიმე საათში მათ სააკაშვილის გათავისუფლება მოახერხეს და რადას შენობისკენ დაიძრნენ.

სააკაშვილს ბრალად დანაშაულებრივი დაჯგუფებების ხელშეწყობა და მათი დაფარვა ედება. უკრაინის გენერალურმა პროკურორმა იური ლუცენკომ სააკაშვილს ნებაყოფლობით ჩაბარებისათვის 24 საათი მისცა. ამ ეტაპზე მიხეილ სააკაშვილი და მისი მომხრეები რადას შენობასთან საპროტესტო გამოსვლებს აგრძელებენ.

ავტორი: ადმინისტრატორი