ლევან იზორიამ ბათუმის პორტში ფრანგული სამხედრო ხომალდი მოინახულა

ადმინისტრატორი

ბათუმის პორტში საფრანგეთის სამხედრო ხომალდი „გეპრატი“ შემოვიდა. ფრანგულ ფრეგატაზე გამართულ მიღებას საქართველოს თავდაცვის მინისტრი ლევან იზორია დაესწრო. ამის შესახებ ინფორმაციას თავდაცვის სამინისტრო ავრცელებს. 

გემის მეთაურმა, I რანგის კაპიტანტმა ჟაკ მალარმა თავდაცვის მინისტრს სამხედრო ხომალდი დაათვალიერებინა და მისი ტაქტიკურ-ტექნიკური მახასიათებლები გააცნო.

ფრანგული სამხედრო გემის ვიზიტის ფარგლებში ერთობლივი სახომალდე სწავლებები გაიმართება, რომელიც პირველადი სამედიცინო დახმარების აღმოჩენას, ასევე ცეცხლთან და წყალთან ბრძოლის ელემენტებს მოიცავს.

ფრანგული სამხედრო ხომალდის სტუმრობა საქართველოში საქართველოსა და საფრანგეთს შორის მჭიდრო თანამშრომლობის მაგალითია. მსგავსი ვიზიტები საქართველოს მიმართ ჩრდილოატლანტიკური ალიანსის წევრი სახელმწიფოების ინტერესს და მხარდაჭერას ადასტურებს და თანამშრომლობა საფრანგეთთან კიდევ უფრო გაღრმავდება და გაძლიერდება.

ხომალდი „გეპრატი“ ერთ-ერთია „ლა ფაიეტის“ კლასის იმ უმსხვილესი გემებიდან, რომელსაც საფრანგეთის ეროვნული საზღვაო ფლოტი ფლობს. გემი 1999 წლის 3 დეკემბერს შევიდა ექსპლუატაციაში და პირველი მსოფლიო ომის ერთ-ერთი გმირის, ვიცე-ადმირალის, ემილ გეპრატის პატივსაცემად, მისი სახელი ეწოდა. დღეს ხომალდის ერთ-ერთი ძირითადი ფუნქცია სპეციალური თუ ჰუმანიტარული მისიის შესრულება და საზღვაო ვაჭრობის ხელშეწყობაა.

მსგავსი სიახლეები
15 თებერვალი ბავშვთა კიბოს საერთაშორისო დღე

15 თებერვალი ბავშვთა კიბოს საერთაშორისო დღე

14 თებერვალი, 2018

15 თებერვალი ბავშვთა ონკოლოგიური დაავადებების მსოფლიო დღეა. ეს არის დღე, რომელიც გვახსენებს გლობალური აქტივობების საჭიროებებს საზოგადოებრივი ჯანდაცვის ამ მნიშვნელოვანი გამოწვევის წინააღმდეგ, როცა ადგილობრივმა და...

მეტი

წნორში სოციალურმა საწარმომ სიყვარულის დღესთან დაკავშირებით მოხუც წყვილებს უმასპინძლა

წნორში სოციალურმა საწარმომ სიყვარულის დღესთან დაკავშირებით მოხუც წყვილებს უმასპინძლა

14 თებერვალი, 2018

„ცოდნის კაფეს“ წარმომადგენლებმა ხუთი მოხუცი წყვილი წნორიდან, ასევე სოფლებიდან ვაქირიდან და ქვემო მაჩხაანიდან კაფეში მიიწვიეს, სადაც მათ რომანტიული გარემო და ვალენტინობისთვის მომზადებული ვახშამი...

მეტი

ლევან იზორიამ ბათუმის პორტში ფრანგული სამხედრო ხომალდი მოინახულა

ლევან იზორიამ ბათუმის პორტში ფრანგული სამხედრო ხომალდი მოინახულა
14:03 | 24 ნოემბერი, 2017

გემის მეთაურმა, I რანგის კაპიტანტმა ჟაკ მალარმა თავდაცვის მინისტრს სამხედრო ხომალდი დაათვალიერებინა და მისი ტაქტიკურ-ტექნიკური მახასიათებლები გააცნო.

ფრანგული სამხედრო გემის ვიზიტის ფარგლებში ერთობლივი სახომალდე სწავლებები გაიმართება, რომელიც პირველადი სამედიცინო დახმარების აღმოჩენას, ასევე ცეცხლთან და წყალთან ბრძოლის ელემენტებს მოიცავს.

ფრანგული სამხედრო ხომალდის სტუმრობა საქართველოში საქართველოსა და საფრანგეთს შორის მჭიდრო თანამშრომლობის მაგალითია. მსგავსი ვიზიტები საქართველოს მიმართ ჩრდილოატლანტიკური ალიანსის წევრი სახელმწიფოების ინტერესს და მხარდაჭერას ადასტურებს და თანამშრომლობა საფრანგეთთან კიდევ უფრო გაღრმავდება და გაძლიერდება.

ხომალდი „გეპრატი“ ერთ-ერთია „ლა ფაიეტის“ კლასის იმ უმსხვილესი გემებიდან, რომელსაც საფრანგეთის ეროვნული საზღვაო ფლოტი ფლობს. გემი 1999 წლის 3 დეკემბერს შევიდა ექსპლუატაციაში და პირველი მსოფლიო ომის ერთ-ერთი გმირის, ვიცე-ადმირალის, ემილ გეპრატის პატივსაცემად, მისი სახელი ეწოდა. დღეს ხომალდის ერთ-ერთი ძირითადი ფუნქცია სპეციალური თუ ჰუმანიტარული მისიის შესრულება და საზღვაო ვაჭრობის ხელშეწყობაა.

ავტორი: ადმინისტრატორი