"საქართველოში ადგილობრივი თვითმმართველობის არჩევნებზე არასდროს მისულა მილიონნახევარ კაცზე მეტი. ვიცით, რომ ნაცმოძრაობამ მობილიზაცია გამოაცხადა, მთელი საქართველოდან ხალხი ჩამოიყვანა და დღეს, თბილისში დაახლოებით 3500 კაცი შეკრიბა." - ასე აფასებს "პატრიოტთა ალიანსის" თბილისის მერობის კანდიდატი ირმა ინაშვილი "ნაცმოძრაობის" აქციას.

" ხელისუფლება გულმოდგინედ მფარველობს ნაცებს და ამტკიცებს,- 5000 კაცი ჰყავდათო. დაე, ასე იყოს. ანუ ნაცებს აქციაზე ამომრჩევლის 0,3%- ი მოუყვანიათ. ჩვენ (მარტო თბილისში) აქციაზე ამაზე სამჯერ და ოთხჯერ მეტი ადამიანი გამოვდივართ, მაგრამ აქ ერთ რამეს მინდა გავუსვა ხაზი: ნათელია, რომ სააკაშვილს ჩვენზე ბევრად ნაკლები მხარდამჭერი ჰყავს, მაგრამ (საუბედუროდ) მხარდამჭერი მაინც ჰყავს.

ვინმემ ამიხსენით, ბოკერიას მხარდამჭერი ვინაა, კვირიკაშვილის გარდა? ბოკერიამ მთელ საქართველოს რომ მოუხმოს, 500 კაცს ვერ შეკრებს. თანაც, ამ 500 კაცში 250 კვირიკაშვილის დავალებით მისული ხალხი იქნება.