პოლონეთი კიბერარმიას შექმნის

პოლონეთი კიბერარმიას შექმნის

პოლონეთის თავდაცვის მინისტრის ანტონი მაჩარევიჩის ცნობით, პოლონეთი კიბერარმიას შექმნის. ამის შესახებ ინფორმაციას ადგილობრივი გამოცემა Onet Wiadomosci ავრცელებს.

მინისტრის თქმით, ვებგვერდზე განხორციელებული თავდასხმებისა და ყალბი ინფორმაციის გავრცელების გათვალისწინებით, მნიშვნელოვანია იმის გააზრება და დამახსოვრება, რომ ინფორმაციებს ერთ-ერთ ყველაზე მნიშვნელოვან იარაღად იყენებენ. „ის ყოველ დღე ცდილობს გავლენა მოახდინოს ცნობიერების ჩამოყალიბებაზე, ჩვენს გონებასა და მოვლენების მიმართ დამოკიდებულებაზე ", - განაცხადა მინისტრმა კრაკოვში კიბერუსაფრთხოების ფორუმზე სიტყვით გამოსვლისას. მაჩერევიჩმა ანალოგიურ ქმედებებში რუსეთი პირდაპირ დაადანაშაულა.

"კატალონიის უკანონო რეფერენდუმის დროს, რუსი ჰაკერები ამ პლებისციტის ორგანიზატორებს ესპანეთის მთავრობის მიერ შექმნილი ინტერნეტ-საარჩევნო სისტემის ბლოკადაში დაეხმარნენ", - განაცხადა პოლონეთის თავდაცვის სამინისტროს ხელმძღვანელმა. თუმცა, მას აღნიშნულის დასადასტურებლად რაიმე მტკიცებულება არ წარმოუდგენია.

ფორუმს ასევე ესწრება პოლონეთის პრემიერმინისტრი ბეატა შიდლო, რომელმაც კიბერუსაფრთხოების დეპარტამენტის შექმნის შესახებ განაცხადა. "კიბერ სივრცის ომი, ინფორმაციული ომი, ტექნოლოგიური ომი, ინფრასტრუქტურის, საბანკო და ეკონომიკური სექტორების ჰაკერული შეტევები მხოლოდ საფრთხის ზოგიერთი ასპექტია, რომელიც მუდმივად უნდა გვახსოვდეს", - განაცხადა პრემიერმინისტრმა.

მაკრონი და მერკელი, პუტინს სირიის რეჟიმზე მაქსიმალური ზეწოლისკენ მოუწოდებენ

მაკრონი და მერკელი, პუტინს სირიის რეჟიმზე მაქსიმალური ზეწოლისკენ მოუწოდებენ

8 საათის წინ

მერკელმა და მაკრონმა ხაზგასმით აღნიშნეს, რომ ამ რეგიონში ცეცხლის შეწყვეტა, ჟენევის მოლაპარაკებების ფარგლებში სირიის კონფლიქტის პოლიტიკური გზით გადაწყვეტის მხრივ დიდი პროგრესი იქნება. კრემლის ოფიციალურ ვებ-გვერდზე გავრცელებული...

USD 2.4671
EUR 3.0375
GBP 3.4475
TRY 0.6517