ბრინქი: საქართველოს ტერიტორიული მთლიანობის მიმართ ძლიერი მხარდაჭერა უნდა ვაჩვენოთ

ბრინქი: საქართველოს ტერიტორიული მთლიანობის მიმართ ძლიერი მხარდაჭერა უნდა ვაჩვენოთ

საქართველოს ევროატლანტიკური პერსპექტივები და რეგიონული გამოწვევები, ამ საკითხების შესახებ თბილისში მიმდინარე საერთაშორისო ფორუმზე მსჯელობენ. ღონისძიებაზე უსაფრთხოებისა საკითხებზე მომუშავე სპეციალისტებთან ერთად, მაღალი რანგის დიპლომატებიც მონაწილეობენ.

როგორც ევროპისა და ევრაზიის საკითხებში აშშ-ის სახელმწიფო მდივნის თანაშემწის მოადგილე ბრიჯით ბრინქი, საერთაშორისო ფორუმის ფარგლებში აცხადებს, აშშ-მა, პოლიტიკურ დონეზე, საქართველოს, მისი ტერიტორიული მთლიანობის მიმართ, ძლიერი მხარდაჭერა უნდა გამოავლინოს.

"ჩვენ უნდა გავაგრძელოთ იმის კეთება, რასაც ვაკეთებდით, ესაა ყველაფრის გაკეთება, რაც შეგვიძლია პოლიტიკურ დონეზე, რომ ვაჩვენოთ ჩვენი ძალიან ძლიერი მხარდაჭერა საქართველოს, მისი ტერიტორიული მთლიანობის მიმართ საერთაშორისოდ აღიარებულ საზღვრებში.

ვიცეპრეზიდენტმა პენსმა, რომელიც ივლისის ბოლოს იმყოფებოდა საქართველოში, კიდევ ერთხელ გაუსვა ხაზი შეერთებული შტატების მხარდაჭერას ბუქარესტის სამიტის გადაწყვეტილებაზე, რომ საქართველო NATO-ს წევრი გახდება. ამას გარდა, ჩვენ გვაქვს მხარდაჭერის სხვა მექანიზმებიც და ვამაყობთ მათი გაგრძელებით.

დღეს გამოქვეყნდა სტრატეგიული უსაფრთხოების მოლაპარაკებების შესახებ განცხადებაც. ეს არის ძალიან მნიშვნელოვანი ფორუმი შეერთებული შტატებისა და საქართველოსთვის, რომ განიხილონ ორმხრივი უსაფრთხოების საკითხები, რომლებიც მოიცავს საქართველოს უდიდეს დახმარებას ავღანეთში და ასევე ორმხრივ ძალისხმევას, რომ გაძლიერდეს საქართველოს თავდაცვისუნარიანობა", - აღნიშნავს ბრინქი.

ერევანში სომეხთა გენოციდის შედეგად დაღუპულთა ხსოვნას პატივი მიაგეს

ერევანში სომეხთა გენოციდის შედეგად დაღუპულთა ხსოვნას პატივი მიაგეს

6 საათის წინ

დღეს დილით, სომხეთის პრეზიდენტი არმენ სარქისიანი და პრემიერმინისტრის მოვალეობის შემსრულებელი კარენ კარაპეტიანი ერევანში " გენოციდის მსხვერპლთა მემორიალთან მივიდნენ. ოპოზიციის ლიდერმა ნიკოლ პაშანიანმა განაცხადა, რომ ამ დღეს პოლიტიკური...

USD 2.4791
EUR 3.0282
GBP 3.4564
TRY 0.6068