თოლორაია: სტიქიისას კახეთზე რომ ატყდება ხოლმე განგაში, სამეგრელოსაც ავუნაზღაუროთ ზარალი

თოლორაია: სტიქიისას კახეთზე რომ ატყდება ხოლმე განგაში, სამეგრელოსაც ავუნაზღაუროთ ზარალი

ზუგდიდის მუნიციპალიტეტის მაჟორიტარის ედიშერ თოლორაიას განცხადებით, სამეგრელოსა და გურიაში აზიური ფაროსანას გამო, თხილის მოსავალი განადგურდა, მოსახლეობა კი, შემოსავლის გარეშე დარჩა.

დეპუტატი მოითხოვს, რომ სამეგრელოსა და გურიაში მოსახლეობას ზარალის 10% მაინც აუნაზღაურდეს. 

„უმძიმესი მდგომარეობაა ჩვენს რეგიონში. არ ვიცი რა ნახეთ, ერთ ყანაში იყავით, ორ ყანაში თუ მთლიანობაში ნახეთ მონაცემები... მე მაგალითად ჩემ ოჯახში ვნახე, მეზობლადაც და სხვა სოფლებშიც. ფაქტი სახეზეა, თხილის თემა არ არსებობს, საუბარია არა მოსავალზე, არამედ თხილის კულტურის მოსპობაზე. ფაროსანას დაემატა კიდევ სხვა ავადმყოფობა, გადავიდა სიმინდზე. ჩათვალეთ, სიმინდის თემა ნულამდე დავიდა. დიდი ხანია განგაშის ზარი ჩამოვკარით, მოსახლეობა შიმშილის პირას არის. 

მე არ წარმოვადგენ მარტო ზუგდიდს, მე ქართველი ვარ. ჩემთვის ბორჯომიც პრობლემაა, სვანეთიც, კახეთიც... არ ვამბობ ნიშნის მოგებით, შურით და ეგოიზმით, მაგრამ, როდესაც კახეთში, პატარა სტიქიაზე განგაში ტყდება და სუბსიდირების გაწევა ხდება ყურძენზე თუ სხვა ხილზე, რატომ არ შეიძლება სამეგრელოსა და გურიაში ზარალის 10% მაინც ავუნაზღაუროთ? თუ კახეთში ყურძენი შემოსავლის ერთ-ერთი წყაროა, სამეგრელოსა და გურიაში თხილი და სიმინდია. 

კი ბატონო, ტრენინგ-სემინარები კარგია, მაგრამ ტრენინგი და სემინარი დღეს არავის ადგება. 17 სექტემბერს იწყება სკოლა, ზამთარი მოდის, ხალხს არანაირი საშუალება არ აქვს“, - აღნიშნა ედიშერ თოლორაიამ. 

დეპუტატმა კოლეგებს შესთავაზა, მთავრობის წარმომადგელებს შეხვდნენ და გურიისა და სამეგრელოს დაზარალებული მოსახლეობის დახმარების მიზნით გამოსავალი იპოვონ. 

„ბოდიშს ვიხდი, არ მაქვს ჩემს პოპულარობაზე საუბარი. ამდენი მაშინ არ მილაპარაკია, როცა კანდიდატი ვიყავი. არ არის ეს ქულების დაწერა, ეს არის პრობლემა, რომელიც დღითიდღე მწვავდება, დავკარგეთ მოსავალი, პრობლემას პრობლემა ემატება“, - აცხადებს ედიშერ თოლორაია. 

ცნობისთვის, აგრარულ საკითხთა კომიტეტის სხდომაზე აზიურ ფაროსანასთან ბრძოლის საკითხებს განიხილავენ. 

სააკაშვილი: "თიბისის" და "საქართველოს ბანკის" უსამართლოდ მითვისებული ფულის ზემოგებები უნდა მოვსპოთ

სააკაშვილი: "თიბისის" და "საქართველოს ბანკის" უსამართლოდ მითვისებული ფულის ზემოგებები უნდა მოვსპოთ

1 საათის წინ

"საქართველოში ჩემი სისუსტე იყო, რომ ივანიშვილმა ჩემს დროს არ გადაიხადა 1 მილიარდის გადასახადები. ჩვენს პირობებში მოხდა ამ მონსტრის კიდევ უფრო გაძლიერება. ოლიგარქები თუ არ ამოიძირკვა, ისე ხალხი ვერ გაიხარებს. საქართველოში გაიმარჯვებს ის...

USD 2.4791
EUR 3.0282
GBP 3.4564
TRY 0.6068