ფოთში საცხოვრებელი ბინის ჭერი ჩამოინგრა

ფოთში საცხოვრებელი ბინის ჭერი ჩამოინგრა

ფოთში აღმაშენებლის ქუჩაზე საცხოვრებელი ბინის შესასვლელში ჭერი ჩამოინგრა.შემთხვევას საბედნიეროდ მსხვერპლი არ მოჰყოლია.

ბინის მაცხოვრებლები აცხადებენ, რომ მოსალოდნელ საშიშროებასთან დაკავშირებით, არერთხელ მიმართეს შესაბამის სამსახურს,თუმცა უშედეგოდ:

“შენობა ავარიულ მდგომარეობაშია,აქ 12 ოჯახი ვცხოვრობთ, წუხელ ჭერი ჩამოინგრა და კინაღამ საბედისწერო შემთხვევის მოწმე გავხდით.გვაწვიმს,ყველაფერი დამპალია და ამორტიზებული,არავინ გვაქცევს ყურადრებას“ განაცხადა მარინა წულაიამ.

შემთხვევის ადგილზე „დემოკრატიული მოძრაობის“ ფოთის ორგანიზაციის წარმომადგენლები იმყოფებოდნენ,მათ ადგილობრივ ხელისუფლებას სასწრაოდ რეაგირებისკენ მოუწოდეს:

“ძალიან დიდი ალბათობაა იმისა, რომ ეს ნგრევა გაგრძელდეს და საფრთხე შეექმნას მოსახლეობას. პასუხისმგებლობას ვაკისრებ ადგილობრივ თვითმმართველობას,ქალაქის მერს და იმ სამსახურს, რომლის მოვალეობაცაა აღნიშნულით დაინტერესდეს.მოუწოდებ მათ დაუყონებლივ მოაგვარონ ეს პრობლემა,რომელიც სასიცოცხლოდ,მნიშვნელოვანია ჩვენი თანაქალაქელებისთვის“ განაცხადა „დემოკრატიული მოძრაობის“ფოთის მერობის კანდიდატმა ოთარ ხარჩილავამ.

ჩვენთან საუბარში ინფრასტრუქტურის სამსახურის უფროსმა, ზურაბ ჯამბურიამ აღნიშნა, რომ ამ პრობლემის დეტალურად შესწავლის შემდეგ,მერია თავისი კომპეტენციის ფარგლებში, შესაბამის გადაწყვეტილებას მიიღებს.

ბათუმში, საცხოვრებელ სახლში გაჩენილი ხანძარი ლიკვიდირებულია

ბათუმში, საცხოვრებელ სახლში გაჩენილი ხანძარი ლიკვიდირებულია

6 საათის წინ

საგანგებო სიტუაციების მართვის სააგენტოს აჭარის მთავარი სამმართველოს უფროსის ინფორმაციით, ხანძარი უკვე ლოკალიზებულია. ბათუმის მერიის ინფორმაციით ხანძრის შედეგად 7 ოჯახია დაზარალებული, ყველა მათგანს მერია დროებით საცხოვრებელ ფართში...

USD 2.4791
EUR 3.0282
GBP 3.4564
TRY 0.6068