არასრულწლოვანს 3 პირის დაჭრასა და მეგობრის მკვლელობისთვის 6 წლით პატიმრობა მიესაჯა

ადმინისტრატორი

თბილისის საქალაქო სასამართლომ გამამტყუნებელი განაჩენი დაადგინა გაუფრთხილებლობით ჩადენილი სიცოცხლის მოსპობის ფაქტზე, არასრულწლოვანი ბრალდებულის ლ.შ.-ს მიმართ. 

ლ.შ.-ს ბრალად ედებოდა გაუფრთხილებლობით სიცოცხლის მოსპობა და დამამძიმებელ გარემოებებში ჩადენილი ორი ან მეტი პირის მიმართ განზრახ მკვლელობის მცდელობა, დამნაშავისათვის წინასწარი შეცნობით არასრულწლოვნის მიმართ.

წარდგენილი ბრალდების თანახმად, ბრალდებულმა საკუთარი დანით, განზრახ მოკვლის მიზნით სამ ახალგაზრდას ნაკვეთი ჭრილობები მიაყენა სახის, გულმკერდისა და მხრის არეში; ასევე ბრალდებულმა, შეცდომით, გაუფრთხილებლობით, დანით გულმკერდის არეში სიცოცხლისთვის სახიფათო დაზიანება მიაყენა მისივე მეგობარს, რომელიც საავადმყოფოში გარდაიცვალა. საქმე ეხება, 2016 წლის 29 სექტემბერს, ქ. თბილისში, რუსთავის გზატკეცილზე არასრულწლოვანთა სიტყვიერ შელაპარაკებას, რომელიც მოგვიანებით ფიზიკურ დაპირისპირებაში გადაიზარდა.

სისხლის სამართლის საქმეთა საგამოძიებო, წინასასამართლო სხდომისა და არსებითი განხილვის კოლეგიამ სისხლის სამართლის საქმე დახურულ სასამართლო სხდომებზე განიხილა. ბრალდებულმა თავი ნაწილობრივ ცნო დამნაშავედ წარდგენილ ბრალდებაში. საქმეში არსებულ და სასამართლო სხდომებზე გამოკვლეულ მტკიცებულებათა ერთობლიობით სასამართლომ მიიჩნია, რომ ლ. შ.-ს მიერ ჩადენილია არა განზრახ მკვლელობის მცდელობა, დამამძიმებელ გარემოებებში, არამედ, სხეულის განზრახ მძიმე დაზიანების მცდელობა, სამი პირის მიმართ.
სასამართლოს გამამტყუნებელი განაჩენით არასრულწლოვანი ცნობილი იქნა დამნაშავედ გაუფრთხილებლობით სიცოცხლის მოსპობასა და სხეულის განზრახ მძიმე დაზიანების მცდელობაში, სამი პირის მიმართ. ბრალდებულს დანაშაულთა ერთობლიობით, სასჯელის შთანთქმის პრინციპის გამოყენებით, საბოლოოდ 6 წლითა და 9 თვით თავისუფლების აღკვეთა განესაზღვრა.

განაჩენი შეიძლება გასაჩივრდეს მხარეთა მიერ, გამოცხადებიდან ერთი თვის ვადაში, თბილისის სააპელაციო სასამართლოს სისხლის სამართლის საქმეთა პალატაში.

მსგავსი სიახლეები
აუდიტის ვარაუდით, იმუნიზაციის პროგრამით ჯანმრთელობისთვის საშიში ვაქცინები გამოიყენეს

აუდიტის ვარაუდით, იმუნიზაციის პროგრამით ჯანმრთელობისთვის საშიში ვაქცინები გამოიყენეს

17 იანვარი, 2018

საქართველოში 29 ათას 222 დოზა მოხმარებიდან ამოსაღები ვაქცინა გაიხარჯა,-ამის საფუძველზე სახელმწიფო აუდიტის სამსახური იმუნიზაციის პროგრამის შემოწმებას გეგმავს. ამის შესახებ ინფორმაციას სახელმწიფო აუდიტის...

მეტი

20 იანვრის 11:00-დან 21:00 საათამდე ქუთაისის მოსახლეობის ნაწილს წყალმომარაგება შეეზღუდება

20 იანვრის 11:00-დან 21:00 საათამდე ქუთაისის მოსახლეობის ნაწილს წყალმომარაგება შეეზღუდება

19 იანვარი, 2018

20 იანვრის 11:00 საათიდან 21:00 საათამდე ქალაქ ქუთაისში მცხოვრები მოსახლეობის ნაწილს წყალმომარაგება შეეზღუდება. წყალმომარაგების შეზღუდვა გამოწვეულია ტექნიკური სამუშაოების გათვალისწინებით.  ამის შესახებ...

მეტი

არასრულწლოვანს 3 პირის დაჭრასა და მეგობრის მკვლელობისთვის 6 წლით პატიმრობა მიესაჯა

არასრულწლოვანს 3 პირის დაჭრასა და მეგობრის მკვლელობისთვის 6 წლით პატიმრობა მიესაჯა
15:05 | 30 აგვისტო, 2017

ლ.შ.-ს ბრალად ედებოდა გაუფრთხილებლობით სიცოცხლის მოსპობა და დამამძიმებელ გარემოებებში ჩადენილი ორი ან მეტი პირის მიმართ განზრახ მკვლელობის მცდელობა, დამნაშავისათვის წინასწარი შეცნობით არასრულწლოვნის მიმართ.

წარდგენილი ბრალდების თანახმად, ბრალდებულმა საკუთარი დანით, განზრახ მოკვლის მიზნით სამ ახალგაზრდას ნაკვეთი ჭრილობები მიაყენა სახის, გულმკერდისა და მხრის არეში; ასევე ბრალდებულმა, შეცდომით, გაუფრთხილებლობით, დანით გულმკერდის არეში სიცოცხლისთვის სახიფათო დაზიანება მიაყენა მისივე მეგობარს, რომელიც საავადმყოფოში გარდაიცვალა. საქმე ეხება, 2016 წლის 29 სექტემბერს, ქ. თბილისში, რუსთავის გზატკეცილზე არასრულწლოვანთა სიტყვიერ შელაპარაკებას, რომელიც მოგვიანებით ფიზიკურ დაპირისპირებაში გადაიზარდა.

სისხლის სამართლის საქმეთა საგამოძიებო, წინასასამართლო სხდომისა და არსებითი განხილვის კოლეგიამ სისხლის სამართლის საქმე დახურულ სასამართლო სხდომებზე განიხილა. ბრალდებულმა თავი ნაწილობრივ ცნო დამნაშავედ წარდგენილ ბრალდებაში. საქმეში არსებულ და სასამართლო სხდომებზე გამოკვლეულ მტკიცებულებათა ერთობლიობით სასამართლომ მიიჩნია, რომ ლ. შ.-ს მიერ ჩადენილია არა განზრახ მკვლელობის მცდელობა, დამამძიმებელ გარემოებებში, არამედ, სხეულის განზრახ მძიმე დაზიანების მცდელობა, სამი პირის მიმართ.
სასამართლოს გამამტყუნებელი განაჩენით არასრულწლოვანი ცნობილი იქნა დამნაშავედ გაუფრთხილებლობით სიცოცხლის მოსპობასა და სხეულის განზრახ მძიმე დაზიანების მცდელობაში, სამი პირის მიმართ. ბრალდებულს დანაშაულთა ერთობლიობით, სასჯელის შთანთქმის პრინციპის გამოყენებით, საბოლოოდ 6 წლითა და 9 თვით თავისუფლების აღკვეთა განესაზღვრა.

განაჩენი შეიძლება გასაჩივრდეს მხარეთა მიერ, გამოცხადებიდან ერთი თვის ვადაში, თბილისის სააპელაციო სასამართლოს სისხლის სამართლის საქმეთა პალატაში.

ავტორი: ადმინისტრატორი