პატრიარქი:მოვუწოდებთ მრევლს და სასულიერო პირებს, გააძლიერონ ლოცვა მარიამობის მარხვაში

პატრიარქი:მოვუწოდებთ მრევლს და სასულიერო პირებს, გააძლიერონ ლოცვა მარიამობის მარხვაში

"ბოლო დროს საქართველოში განვითარებულმა სტიქიურმა უბედურებებმა, განსაკუთრებით კი, ბორჯომის ხეობაში მომხდარმა ხანძარმა საქართველოს მთელი მოსახლეობის დიდი შეშფოთება და გულისტკივილი გამოიწვია. ცეცხლის არაერთი კერა გაჩნდა გუშინაც..."- ასე მიმართა საზოგდოება სრულიად საქართველოს კათოლიკოს-პატრიარმა ილია II-მ.

"მადლობა ღმერთს, რომ ხელისუფლების, მეხანძრეების, მაშველებისა და საზოგადოების დიდი ძალისხმევით ამ მოვლენებს მსხვერპლი არ მოჰყოლია, თუმცა, რა თქმა უნდა, უდიდესია ზარალი, რაც ქვეყანას მიადგა. გაჭირვების ჟამს არაერთი სახელმწიფო დაგვეხმარა და ბევრმაც გამოთქვა დახმარების სურვილი, რისთვისაც საქართველოს ეკლესიის სახელით კიდევ ერთხელ მადლობას ვუხდით მათ. მორწმუნე ადამიანი განსაცდელს ლოცვით ხვდება და სასოებს ღვთის მოწყალებაზე.

ჩვენც მოვუწოდებთ მრევლს და სასულიერო პირებს, გააძლიერონ ლოცვა მარიამობის მარხვაში და საერთოდ, ვიდრე ეს პრობლემა არ გადაივლის, კერძოდ, სასულიერო პირებს ეძლევათ კურთხევა, თავის ყოველდღიურ კანონთან ერთად იკითხონ სახარება, ხოლო მორწმუნე ერმა შესაძლებლობებისამებრ ფსალმუნები და ღვთისმშობლისადმი ლოცვა ''მოწყალებისა კარი განგვიღე''...

შევთხოვთ უფალს, დაიცვას და დაიფაროს ჩვენი ქვეყანა და ჩვენი ხალხი. განსაკუთრებულად ვლოცავ ბორჯომის ხეობის მოსახლეობას და განსაცდელში მყოფ ყველა ადამიანს. ჩვენმა ერმა არაერთხელ აჩვენა ჭირსა შინა სიმხნევისა და გაუტეხელობის მაგალითი და მჯერა, უფლის შეწევნით ეს მომავალშიც ასე იქნება.

ღმერთმა განგამტკიცოთ და განგაძლიეროთ, სიყვარულით, თქვენთვის მლოცველი ილია მეორე, სრულიად საქართველოს კათოლიკოს-პატრიარქი", - ნათქვამია პატრიარქის მიმართაში, რომელიც ბოლო დროს საქართველოში განვითარებულ სტიქიურ უბედურებებსა და ბორჯომის ხეობაში მომხდარ ხანძართან დაკავშირებით გაავრცელა.

დეკანოზი ილია: კანის ფერის გამო ადამიანის სიძულვილი ადამიანს განაშორებს ღმერთს

დეკანოზი ილია: კანის ფერის გამო ადამიანის სიძულვილი ადამიანს განაშორებს ღმერთს

5 საათის წინ

"რასიზმი კაცობრიობის ისტორიაში ერთერთი ყველაზე სამარცხვინო და საშინელი მოვლენაა: კანის ფერი არ განასხვავებს ადამიანურ ბუნებას, ყველა ვართ ადამის შვილები, ადამის მოდგმა, მოწოდებულნი ღვთის შვილობისათვის და განღმრთობისათვის! კანის ფერის...

USD 2.4791
EUR 3.0282
GBP 3.4564
TRY 0.6068