"ლოკომოტივი" და "ტორპედო" შეწყვეტილი მატჩის 7 წუთს ხვალ ითამაშებენ

მაგდა კლდიაშვილი

ეროვნული საფეხბურთო ლიგა 1-ის მატჩი, თბილისის "ლოკომოტივსა" და ქუთაისის "ტორპედოს" შორის, ხვალ დასრულდება.

ამ გუნდების დაპირისპირება, 11 აგვისტოს, მატჩის მთავარმა არბიტრმა 83-ე წუთზე შეწყვიტა, რადგან ტრიბუნებზე ქუთაისელი გულშემატკივარი "ლოკომოტივის" ქომაგს ფიზიკურად დაუპირისპირდა. ამასთან, იმერლებმა მოედანზე ასაფეთქებელი პიროტექნიკაც ისროლეს, რის შემდეგაც გიორგი ყრუაშვილმა თამაშის შეწყვეტის გადაწყვეტილება მიიღო.

ვინაიდან თამაში 83-ე წუთზე შეწყდა, რა დროსაც თბილისელები ირაკლი სიხარულიძის გოლით 2:0 იგებდნენ "ტორპედოსთან", თამაში სწორედ ამ დროიდან გაგრძელდება და გუნდები მხოლოდ 7 წუთს ითამაშებენ.

რაც შეეხება მომხდარს, ამასთან დაკავშირებით საქართველოს ფეხბურთის ფედერაციის სადისციპლინო კომიტეტი 15 აგვისტოს იმსჯელებს. 

თამაში, მიხეილ მესხის სახელობის სათადარიგო მოედანზე 18:30 საათზე დაიწყება და მაყურებლების გარეშე ჩატარდება. 

მსგავსი სიახლეები
სამედიცინო კორპორაცია ევექსმა მარნეულში ახალი პოლიკლინიკა გახსნა

სამედიცინო კორპორაცია ევექსმა მარნეულში ახალი პოლიკლინიკა გახსნა

12 დეკემბერი, 2017

თბილისი  (GBC) – სამედიცინო კორპორაცია ევექსმა მარნეულში ახალი პოლიკლინიკა გახსნა. კომპანიის ცნობით, ადგილობრივ მოსახლეობას საშუალება ექნება შ.რუსთაველის ქ. #53-ში მიიღოს ამბულატორიული და დიაგნოსტიკური სერვისების სრული...

მეტი

"ინიციატივა სოციალური ცვლილებებისთვის" ლაგოდეხში ჩატარებული კვლევის შედეგებს ასაჯაროვებს

13 დეკემბერი, 2017

ბავშვზე ძალადობა, არასრულწლოვანთა შრომა და ბულინგი-არასამთავრობო ორგანიზაცია „ინიციატივა სოციალური ცვლილებებისთვის“ ლაგოდეხის მუნიციპალიტეტში განხორციელებული კვლევის შედეგებს ასაჯაროვებს. ორგანიზაციის...

მეტი

"ლოკომოტივი" და "ტორპედო" შეწყვეტილი მატჩის 7 წუთს ხვალ ითამაშებენ

"ლოკომოტივი" და "ტორპედო" შეწყვეტილი მატჩის 7 წუთს ხვალ ითამაშებენ
14:27 | 13 აგვისტო, 2017

ამ გუნდების დაპირისპირება, 11 აგვისტოს, მატჩის მთავარმა არბიტრმა 83-ე წუთზე შეწყვიტა, რადგან ტრიბუნებზე ქუთაისელი გულშემატკივარი "ლოკომოტივის" ქომაგს ფიზიკურად დაუპირისპირდა. ამასთან, იმერლებმა მოედანზე ასაფეთქებელი პიროტექნიკაც ისროლეს, რის შემდეგაც გიორგი ყრუაშვილმა თამაშის შეწყვეტის გადაწყვეტილება მიიღო.

ვინაიდან თამაში 83-ე წუთზე შეწყდა, რა დროსაც თბილისელები ირაკლი სიხარულიძის გოლით 2:0 იგებდნენ "ტორპედოსთან", თამაში სწორედ ამ დროიდან გაგრძელდება და გუნდები მხოლოდ 7 წუთს ითამაშებენ.

რაც შეეხება მომხდარს, ამასთან დაკავშირებით საქართველოს ფეხბურთის ფედერაციის სადისციპლინო კომიტეტი 15 აგვისტოს იმსჯელებს. 

თამაში, მიხეილ მესხის სახელობის სათადარიგო მოედანზე 18:30 საათზე დაიწყება და მაყურებლების გარეშე ჩატარდება. 

ავტორი: მაგდა კლდიაშვილი