ზუგდიდის საკრებულოს სხდომა ხმაურისა და ურთიერთდაპირისპირების ფონზე მიმდინარეობს. სხდომა პროტესტის ნიშნად საკრებულოს ფრაქცია "დემოკრატიული მოძრაობის" წევრებმა დატოვეს. როგორც ფრაქციის ერთ-ერთმა წევრმა, კახა ჩანგელიამ "აიპრესს" განუცხადა მათ ამ ''ფარსში'' მონაწილეობის სურვილი არ აქვთ.

"ეს არის უკან გადადგმული ნაბიჯი, ჩვენ ამ ფარსში მონაწილეობას არ მივიღებთ. სხდომას პროტესტის ნიშნად ვტოვებთ, რადგან ვერ ვუყურებთ თუ როგორ ასრულებენ აქ მსხდომები ბრძანებებს უემოციოდ", - განაცხადა კახა ჩანგელიამ.