მიმდიანრე წელს აჭარაში 32 ინფრასტრუქტურული პროექტი ხორციელდება

მიმდიანრე წელს აჭარაში 32 ინფრასტრუქტურული პროექტი ხორციელდება

აჭარის განათლების, კულტურისა და სპორტის მინისტრის მოადგილეებმა სულიკო თებიძემ და მირიან ქათამაძემ კონტროლის განმახორციელებელი ჯგუფის წევრებთან ერთად ქალაქ ბათუმის N14 და N28 საჯარო სკოლებში მიმდინარე სამშენებლო-სარეაბილიტაციო სამუშაოები დაათვალიერეს,- ამის შესახებ ინფორმაციას აჭარის განათლების, კულტურისა და სპორტის სამინისტრო ავრცელებს. 

ქალაქ ბათუმის N28 საჯარო სკოლაში სარეაბილიტაციო სამუშაოები დასრულდა. პროექტის მიხედვით მოეწყო ახალი სახურავი, სრული რეაბილიტაცია ჩაუტარდა დაზიანებულ ფასადსა და სკოლის სპორტულ დარბაზს. სარეაბილიტაციო სამუშაოები განახორციელა ტენდერში გამარჯვებულმა კომპანიამ შპს „მეფური“.

ქალაქ ბათუმის N14 საჯარო სკოლაში პროექტის მიხედვით დასრულდა სახურავის, სააქტო დარბაზისა და შეზღუდული შესაძლებლობის მქონე პირთათვის პანდუსის და სველი წერთილების მოწყობა. მიმდინარეობს ფასადის სამღებრო სამუშაოები. სარეაბილიტაციო სამუშაოებს ახორციელებს ტენდერში გამარჯვებული კომპანია შპს „მარეთი 777“.

აჭარის განათლების, კულტურისა და სპორტის სამინისტრო პროგრამის ფარგლებში მიმდინარე წელს რეგიონის მასშტაბით ახორციელებს 32 ინფრასტრუქტურულ პროექტს. წლების განმავლობაში საგანმანათლებლო დაწესებულებების ინფრასტრუქტურის გაუმჯობესებაში ჩადებული თანხების ზრდის შედეგად ზოგადსაგანმანათლებლო ინფრასტრუქტურის მნიშვნელოვანი ნაწილი მოწესრიგებულია თუმცა პროგრამა გრძელდება.

2018 წლის სამინისტროს პროგრამული ბიუჯეტის პირველად ვერსიაში განათლების მიმართულებით პრიორიტეტულად რჩება ინფრასტრუქტურული პროექტების განხორციელება, შესაბამისად იზრდება პროგრამის ბიუჯეტი.

სამინისტროს მიზანია სკოლების რეაბილიტაციის/მშენებლობის დროს გათვალისწინებული იქნას ყველა კომპონენტი, სასწავლო ოთახები, სპორტ დარბაზი, სასადილო, სააქტო დარბაზი. ასევე, მნიშვნელოვანია სკოლების მატერიალურ-ტექნიკური ბაზით აღჭურვა.

ხაიშში სხვანეთის მოსახლეობა აქციის "არა ჰესებს" გამართვას გეგმავს

ხაიშში სხვანეთის მოსახლეობა აქციის "არა ჰესებს" გამართვას გეგმავს

2 საათის წინ

ისინი ჭუბერში დაგეგმილ აქციაზე "არა ჰესებს" მონაწილეობის მიღებას აპირებდნენ.  მათი თქმით, შესაძლოა დაანონსებული აქციის ადგილი შეიცვალოს, მიზეზად კი, თავად მოსახლეობაში არსებულ განხეთქილებას ასახელებენ.  როგორც ადგილობრივები...

USD 2.4402
EUR 3.0017
GBP 3.4343
TRY 0.6036