მეორე არხის პირდაპირი ეთერით კონსტიტუციის განხილვა აღარ გადაიცემა

მეორე არხის პირდაპირი ეთერით კონსტიტუციის განხილვა აღარ გადაიცემა

საზოგადოებრივი მაუწყებლის მეორე არხის პირდაპირი ეთერით კონსტიტუციის საყოველთაო განხილვა აღარ გადაიცემა.

ეს ინფორმაცია "აიპრესს" მაუწყებლის გენერალური დირექტორის მრჩეველმა ია ანთაძემ დაუდასტურა. მისი თქმით, სავარაუდოდ ამის მიზეზი ტექნიკური საკითხებია, თუმცა კონკრეტული დეტალები მოგვიანებით ეცოდინება.

"სამწუხაროდ, კონსტიტუციის საყოველთაო განხილვა პირდაპირ ეთერში აღარ იქნება. რა არის ამის მიზეზი ამას ვერ გეტყვით. უფრო ალბათ ტექნიკური საკითხებია. ჩვენც ვკითხულობდით, ახალი ამბების განყოფილებასაც გვაინტერესებდა გავიდოდა თუ არა პირდაპირ ეთერში. ეს გადაწყვეტილება ზუსტად ჩვენც არ ვიცოდით. ეს ნიშნავს, რომ ეს ტექნიკური გადაწყვეტილება იყო და არა პოლიტიკური ნაწილის", - განაცხადა ია ანთაძემ. 

კითხვაზე, ხომ არ უკავშირდება ფილარმონიაში გამართულ საკონსტიტუციო განხილვას, რომელსაც თან ექსცესებიც ახლდა და საბოლოდ განხილვა ჩაიშალა? ანთაძე პასუხობს, რომ ფილარმონიის განხილვა არაფერ შუაშია. 

"აქედან მიდოდა მთელი ტექნიკა იმისთვის, რომ სიგნალი აწეულიყო და მეორე არხზე გვქონოდა ეთერი. ახლა ზოგიერთ ქალაქში ორი განხილვა მიმდინარეობს. ეს ისეთ ტექნიკას მოითხოვს, რომელიც ჩვენ არ გვაქვს. რამდენადაც ჩვენთვის ცნობილია ეს არის წმინდა ტექნიკური საკითხი. ამასაც ისე ვხვდები, რომ ტექნიკური საკითხია. ეს თემა ადმინისტრაციასთან არ გამივლია", - განაცხადა ია ანთაძემ "აიპრესთან", რომელმაც დასძინა, რომ დეტალებს მოგვიანებით დააზუსტებს.

ბექაური: "რუსთავი 2"-ის გარდა ყველა მედია მზადაა სრულიად გამჭვირვალე გახადოს შემოსავლები

ბექაური: "რუსთავი 2"-ის გარდა ყველა მედია მზადაა სრულიად გამჭვირვალე გახადოს შემოსავლები

2 საათის წინ

"მხოლოდ რუსთავი 2 - მა გაასაჩივრა სასამართლოს პირველ ინსტანციაში წაგებული საქმე მეორე ინსტანციაში და ხელს უშლის საზოგადოებას, მიიღოს დეტალური ინფორმაცია მედიაკომპანიების შემოსავლის წყაროების შესახებ. მედიის ფინანსურ გამჭვირვალობასთან...

USD 2.4402
EUR 3.0017
GBP 3.4343
TRY 0.6036