პატრიარქი ცოლს და ქმარს: არასდროს დაამციროთ ერთმანეთი შვილების, ან სხვათა წინაშე

პატრიარქი ცოლს და ქმარს: არასდროს დაამციროთ ერთმანეთი შვილების, ან სხვათა წინაშე

"უფალი ბრძანებს, ითხოვდეთ და მოგეცემათ თქვენ, ეძიებდეთ და ჰპოვოთ, იღებდეთ და განგეღოთ თქვენ. დღეს ჩვენ შევთხოვთ უფალს, რომ მეოხებითა ყოვლად წმინდისა ღვთისმშობლისა ღმერთმა დალოცოს ჩვენი ოჯახები",- ამის შესახებ საქართველოს პატრიარქმა, ილია მეორემ ოჯახის სიწმინდის დღესთან დაკავშირებით ბრძანა. 

"დღეს არის ოჯახის დღესასწაული. აღვავლენთ ლოცვებს, რათა მტკიცე იყოს ქართული ოჯახი. მრაცალი შვილი აღზარდოს ქართულმა ოჯახმა. ამასთან დაკავშირებით გამოიცა ჟურნალი, რომელსაც ეწოდება "ბედნიერი ოჯახი" და წაკითხული იქნება ჩემი წინასიტყვაობა",- ბრძანა პატრიარქმა.

"ოჯახშიც და ოჯახისგან დამოუკიდებლადაც ცოლსაც და ქმარსაც შეიძლება, ბევრი უსიამოვნება შეხვდეთ. ყოველთვის ეცადეთ, გაუგოთ ერთმანეთს. იყავით მეუღლის თანამგრძნობი, მაგრამ თუ იგი ცრუობს, ისე წარმართე საუბარი, რომ სიმართლე უთხრა და თან მისი ღირსება არ შელახო. არასდროს დაამცირო იგი შვილებისა და სხვათა წინაშე, რომ თქვენ ერთმანეთთან მიმართებაში არ დაარღვიოთ გარკვეული ზღვარი და შვილებსაც პატივისცემა არ დაუკარგოთ. თქვენ გაითავისეთ და შვილებსაც ასწავლეთ, რომ თუ რამე შეგეშალათ ბოდიშის მოხდა და დანაშაულის აღიარება ადამიანის დიდი ღირსებაა. არ შეუშინდეთ პრობლემებს. პირიქით, იგი თქვენი დაახლოებისა და სულიერ კიბეზე ამაღლების საშუალებად აქციეთ და ღმერთიც აუცილებლად შეგეწევათ",- ნათქვამია პატრიარქის წინასიტყვაობაში. 

ბექაური: "რუსთავი 2"-ის გარდა ყველა მედია მზადაა სრულიად გამჭვირვალე გახადოს შემოსავლები

ბექაური: "რუსთავი 2"-ის გარდა ყველა მედია მზადაა სრულიად გამჭვირვალე გახადოს შემოსავლები

2 საათის წინ

"მხოლოდ რუსთავი 2 - მა გაასაჩივრა სასამართლოს პირველ ინსტანციაში წაგებული საქმე მეორე ინსტანციაში და ხელს უშლის საზოგადოებას, მიიღოს დეტალური ინფორმაცია მედიაკომპანიების შემოსავლის წყაროების შესახებ. მედიის ფინანსურ გამჭვირვალობასთან...

USD 2.4402
EUR 3.0017
GBP 3.4343
TRY 0.6036